ក្រុមស្ត្រីបឹងកក់ និងបុរីកីឡា នាំគ្នាឈរស្រែកតវ៉ាជាថ្មី នៅមុខសាលាក្រុង
សារព័ត៌មាន Cambodia News/
ភ្នំពេញ(២០ មិនា ២០១៤)៖ នៅព្រឹកថ្ងៃទី២០ មីនា នេះ ក្រុមស្ត្រីអ្នកភូមិបឹងកក់ និងប្រជាសហគមបុរីកីឡាប្រមាណជាង៥០នាក់ បាននាំមកឈរតវ៉ានៅមុខសាលារាជធានីភ្នំពេញ ដើម្បីឲ្យទាមទាររកដំណោះស្រាយផ្សេងៗគ្នា ពីសំណាក់អភិបាលរាជធានីភ្នំពេញ។
ដោយក្រុមស្ត្រីបឹងកក់មួយក្រុម មានគ្នាប្រមាណជាង១០គ្រួសារបាននាំគ្នាមកឈរតវ៉ា ដើម្បីទាមទារប្រាក់សំណងបន្ថែម។ ដោយឡែកស្ត្រីបឹងកក់មួយក្រុមទៀត ទាមទារ ឲ្យពន្លឿនការដោះស្រាយបញ្ហាដីធ្លីជូនពួកគាត់ ដែលមានទំនាស់ដ៏រ៉ាំរៃជាយូរមកហើយ។ ចំណែកឯក្រុមអ្នកភូមិបុរីកីឡា មានគ្នាប្រមាណជា២០នាក់ ទាមទារសិទ្ធិលំនៅឋាន។
គួរបញ្ជាក់ថា ការប្រមូលផ្តុំតវ៉ានេះធ្វើឡើងមួយថ្ងៃក្រោយ ពីក្រុមអ្នកភូមិបុរីកីឡា បាននាំគ្នា ឈរស្រែកតវ៉ានៅមុខសាលាដំបូងរាជធានីភ្នំពេញកាលពីថ្ងៃម្សិលមិញ ដើម្បីឲ្យតុលាការពន្លឿននិតិវិធី នៃពាក្យបណ្ដឹងអ្នកភូមិបុរីកីឡា ដែលបានដាក់ពាក្យប្ដឹងអភិបាលខណ្ឌ៧មករា និងមន្រ្តីពាក់ព័ន្ធលើករណីចុះបង្រ្កាបមកលើពួកគាត់កាលពីថ្ងៃទី១៤ កុម្ភៈកន្លងទៅ៕
