មិនទាន់មានសញ្ញាណាមួយពីយន្តហោះ ម៉ាឡេស៊ី ដែលបាត់ដំណឹង
សារព័ត៌មាន Cambodia News/
-
នាវាចិន កំពុង ស្រាវជ្រាវ រកយន្តហោះ ម៉ាឡេស៊ី ដែលបាត់ដំណឹង។ ប៉េកាំង(១២ មិនា ២០១៤) ៖ អ្នកនាំពាក្យ របស់ក្រុមហ៊ុនអាកាសចរណ៍ ប្រចាំទីក្រុង ប៉េកាំង កាលពីថ្ងៃអង្គារ៍កន្លងទៅនេះ បានឲ្យដឹងថា រហូតមកទល់ពេលនេះ នៅតែពុំទាន់មានដានណាមួយ បង្ហាញពីយន្តហោះម៉ាឡេស៊ី ដែលបានបាត់ដំណឹង កាលពីព្រឹកថ្ងៃសៅរ៍កន្លងទៅនេះឡើយ ដោយការបាត់ដំណឹងនេះ មាន រយៈពេលរហូតដល់៨៨ម៉ោងមកហើយ។
យោងតាម ប្រភពទីភ្នាក់ងារសារព័ត៌មាន ចិនស៊ិនហួ ចុះថ្ងៃទី១២ ខែមីនា នេះបានឲ្យដឹងថា ក្នុងពេលនេះ ការងារស្រាវជ្រាវ នៅក្នុងតំបន់ភាគខាងកើត និងភាគខាងលិច នៃឧបទ្វីបនៃប្រទេស ម៉ាឡេស៊ី នៅតែបន្តដំណើរ ទៅមុខ ប៉ុន្តែមិនទាន់មានការរកឃើញអ្វី
ក្នុងពេលបំពេញការងារស្រាវជ្រាវ មាននាវាចំនួន៤២គ្រឿង និងយន្តហោះចំនួន៣៥គ្រឿង ដែលនាំមក ពីប្រទេសផ្សេងៗគ្នា បានរួមកម្លាំងគ្នាស្រាវជ្រាវ នៅតំបន់ភាគខាងកើត និងភាគខាងលិចនៃឧបទ្វីប ម៉ាឡេស៊ី៕ ប្រភពទីភ្នាក់ងារសារព័ត៌មាន ចិនស៊ិនហួ (ប្រែសម្រួលដោយ៖ សារព័ត៌មានយុវវ័យថ្មី)