យន្ដហោះ ដែលបាត់ខ្លួន មិនទាន់រកឃើញនៅឡើយ
សារព័ត៌មាន Cambodia News/
អន្តរជាតិ(១០ មិនា ២០១៤) ៖ ប្រទេស ជាច្រើនបានបញ្ជូនទាំងនាវាចម្បាំង និងយន្ដហោះចម្បាំងទៅជួយ ស្វែងរកយន្ដហោះដឹកអ្នកដំណើរប្រភេទ Boing B777-200 មានលេខសម្គាល់ MH370 របស់ក្រុមហ៊ុនអាកាសចរណ៍ ម៉ាឡេស៊ី មានអ្នកដំណើរនិងអាកាស យានិក២៣៩នាក់បានបាត់ខ្លួនកាលពី រំលងអធ្រាត្រឈានចូលថ្ងៃទី៨ ខែមីនា ឆ្នាំ២០១៤ ។ មកទល់ពេលនេះមិនទាន់រកឃើញនៅឡើយ ។
ក្រុម អ្នកឯកទេសជឿជាក់ថា យន្ដ ហោះដែលសុខសុខបាត់ខ្លួននោះជាលទ្ធ ផលនៃការវាយប្រហារភេរវកម្ម ហើយ ក្រុមFBI បានចូលរួមក្នុងសកម្មភាព ស្រាវជ្រាវពីការបាត់ខ្លួនដោយចៃដន្យ នោះ ។ ការត្រួតពិនិត្យឡើងវិញបញ្ជីឈ្មោះអ្នក ដំណើរទាំងអស់ ក្នុងនោះមានអ្នក ដំណើរ៤នាក់ស្ថិតក្នុងមន្ទិលសង្ស័យ ក្នុង នោះមានពីរនាក់ប្រើប្រាស់លិខិតឆ្លង ដែនដែលលួចពីគេ ។
ពាក់ព័ន្ធ នឹងការបាត់យន្ដហោះនោះ ផងដែរ កម្លាំងទាហានវៀតណាមដែល ជួយរុករកយន្ដហោះបាត់ខ្លួន ថតបានរូប ភាពវត្ថុចម្លែកអណ្ដែតនៅលើដែន សមុទ្រដែលគេសង្ស័យថា នោះជាទ្វារ យន្ដហោះ ។ ប៉ុន្ដែ គេមិនទាន់បានរើសយកមកបញ្ជាក់ឱ្យបានច្បាស់លាស់នៅឡើយ ៕
