រុស្ស៊ី និងអាមេរិកប្រឈមមុខគ្នាកាន់តែខ្លាំង
សារព័ត៌មាន Cambodia News/
អ៊ុយក្រែន(០៥ មីនា ២០១៤) ៖ប្រទេសរុស្សីនិងអាមេរិកត្រូវបានគេមើលឃើញថាកាន់តែ ប្រឈមមុខគ្នាខ្លាំងឡើងនៅអ៊ុយក្រែនខណដែលរុស្ស៊ីកាលពីថ្ងៃអង្គារ បាន បាញ់សាកល្បងដោយជោគជ័យនូវកាំជ្រួចផ្លោងឆ្លងទ្វីបទំនើបមួយ ចំពេលមានភាពប្រទាញប្រទង់រវាងរដ្ឋាភិបាលក្រុងមូស្គូនិងលោក ខាងលិចអំពីបញ្ហាអ៊ុយក្រែន។
ទីភ្នាក់ងារ សារព័ត៌មានធំបីរបស់រុស្ស៊ីបានស្រង់សម្តីមន្ត្រីយោធាកំពូលម្នាក់ ដែលថា” គោលបំណងនៃការបាញ់នេះគឺការសាកល្បងកាំជ្រួចឆ្លងទ្វីបទំនើប”។ មន្ត្រីយោធារូបនេះបាននិយាយថា ការបាញ់សាកល្បងនេះពាក់ព័ន្ធកាំជ្រួចRS-12M Topol ដែលត្រូវបានដាក់អោយដំណើរការដំបូងនៅទសវត្សរ៍១៩៨០និងបន្ទាប់មក ត្រូវបានកែសម្រួលអោយទំនើបជាបន្តបន្ទាប់។
យ៉ាងណាក៏ដោយកាំជ្រួចបានធ្លាក់ចំគោលដៅនៅទីតាំងសាកល្បងកាំជ្រួចផ្លោង Sary Shaganដែលរុស្ស៊ីជួលនៅកាហ្សាក់ស្ថាន។ រុស្ស៊ីបានសាកល្បងក្បាលគ្រាប់ដែលអាចគេចចេញពីខែលការពារកាំជ្រួច មួយដែលអាមេរិក កំពុងដាក់ពង្រាយជាមួយអង្គការណាតូនៅអឺរ៉ុបក្រោមការប្រឆាំងជំទាស់ ជាខ្លាំងពីរុស្ស៊ី។
ពិភពលោកកំពុងផ្តោតការតាមដានពីស្ថានការណ៍ នៅប្រទេសអ៊ុយក្រែនព្រោះ អ៊ុយក្រែនអាចនឹងក្លាយជាសមរភូមិសង្គ្រាមដ៏ធំនាពេលឆាប់ៗនេះ ប្រសិនបើរុស្សីនិងអាមេរិកនិងបានដោះស្រាយបញ្ហានយោបាយនៅអ៊ុយក្រែន ដោយសន្តិវិធីនោះ ៕
