កម្ពុជា-ឡាវ ជំរុញការងារបោះបង្គោលព្រំដែន
សារព័ត៌មានយុវវ័យថ្មី/
ភ្នំពេញ(២៨ កុម្ភៈ ២០១៤)៖ នៅក្នុងជំនួបជាមួយ លោក ប៊ុនកឺត សាងស៊ុំសាក់ អនុរដ្ឋមន្ត្រីការបរទេស និងជាប្រធានគណៈកម្មការព្រំដែនឡាវ នៅថ្ងៃទី២៨ កុម្ភៈ នេះ លោក សុខ អាន រដ្ឋមន្ត្រីទីស្តីការគណៈរដ្ឋមន្ត្រីកម្ពុជា បានអំពាវនាវ ភាគីកម្ពុជា និងឡាវ បន្តជំរុញការងារបោះបង្គោលព្រំដែនរវាងប្រទេសទាំងពីរ ឲ្យបានកាន់តែឆាប់តាមដែលអាចធ្វើទៅបាន។
លោក សុខ អាន បានថ្លែងថា ការងារបោះបង្គោលព្រំដែន គឺជារឿងមួយពិបាកមិនមែនងាយស្រួលនោះឡើយ ហើយទាមទារឲ្យមានការអត់ធ្មត់ និងអនុវត្តន៍ទៅតាមបទដ្ឋានបច្ចេកទេស។
លោក បានលើកឡើងថា បញ្ហាព្រំដែនដដៃទៀតដូចជាថៃ និងវៀតណាម ក៏បាននឹងកំពុងធ្វើជិតរួចរាល់ហើយផងដែរ ជាអ្វីដែលលោកចាត់ទុកថា ជាព្រំដែនសន្តិភាព និងសេដ្ឋកិច្ច បម្រើផលប្រយោជន៍គ្នាទៅវិញទៅមក។ ប្រទេសកម្ពុជាមានព្រំដែនជាប់នឹងប្រទេសថៃ ឡាវ និង វៀតណាម៕
