បច្ចេកវិទ្យាធ្វើឲ្យមនុស្សឥឡូវត្រចៀកធ្ងន់ជាងសម័យដើម
សារព័ត៌មាន Cambodia News/
សុខភាព(២៥ កុម្ភៈ ២០១៤)៖ ក្រុមអ្នកវិទ្យាសាស្រ្តបានឲ្យដឹងថា ការប្រើប្រាស់ គ្រឿងអេឡិចត្រូនិក ស្ដាប់ចម្រៀង និងបង្កឲ្យមានគ្រោះថ្នាក់ដល់ផ្នែកសោតវិញ្ញាណជាបណ្តើរៗ ដែលភាគច្រើនបណ្តាលមកពីការស្តាប់សំឡេងចម្រៀងឮខ្លាំងពេក។
រយៈពេល ពីរទសវត្សរ៍ចុងក្រោយនេះគេសង្កេតឃើញថា មនុស្សពេញវ័យនៅប្រទេសអង់គ្លេសដែលប្រើនូវប្រព័ន្ធបច្ចេកវិទ្យា ទំនើប ជាពិសេសការស្តាប់ចម្រៀងធ្វើឲ្យប្រព័ន្ធសោតវិញ្ញាណមានភាពចុះ ខ្សោយ១២ភាគរយ។
អង្គការ សុខភាពពិភពលោកបានឲ្យដឹងថា មូលហេតុដ៏ចម្បងនៃផលប៉ះពាល់ផ្នែកសោតវិញ្ញាណនេះបណ្តាលមកពីការ ស្តាប់សំឡេងឮៗដូចជាសំឡេងរោងចក្រឧស្សាហកម្ម និងការស្ដាប់ចម្រៀងជាដើម។ បញ្ហាត្រចៀកធ្ងន់អាចធ្វើឲ្យមនុស្សឯកា គ្មានការងារធ្វើ និងមានបញ្ហាផ្លូវចិត្តទៀតផង៕
