នាយករដ្ឋមន្ត្រី អញ្ជើញជាអធិបតីភាព ក្នុងពិធីប្រជុំពេញអង្គគណៈរដ្ឋមន្ត្រី
សារព័ត៌មាន Cambodia News/
ភ្នំពេញ(២១ កុម្ភៈ ២០១៤) ៖ នាព្រឹកថ្ងៃទី២១ ខែកុម្ភៈ ឆ្នាំ២០១៤នេះ លោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អាណត្តីទី៥ បានអញ្ជើញជាអធិបតីភាព ក្នុងពិធីប្រជុំពេញអង្គគណៈរដ្ឋមន្ត្រី នៅវិមានសន្តិភាព។
របៀបវារៈដែលត្រូវលើកយកមកពិភាក្សាក្នុងកិច្ចប្រជុំមាននាព្រឹកនេះ មានដូចខាងក្រោម ៖
ទី១-សេចក្តីព្រាងគោលនយោបាយជាតិ ស្តីពីសុវត្ថិភាពចរាចរណ៍ផ្លូវគោក ។
ទី២-សេចក្តីព្រាងអនុក្រឹត្យ ស្តីពីការបង្កកទ្រព្យសម្បត្តិរបស់ភេរវករ និងអង្គការនានា ។
ទី៣-បញ្ហាផ្សេងៗ ៖ សំណើសុំការយល់ព្រមពីគណៈរដ្ឋមន្ត្រីដើម្បីសុំសច្ចាប័នពីស្ថាប័ន នីតិប្បញ្ញត្តិលើ ៖ ៣.១-កិច្ច ព្រមព្រៀងស្តីពីបុព្វសិទ្ធិនិងអភ័យឯកសិទ្ធិនៃសមាគមប្រជាជាតិ អាស៊ីអាគ្នេយ៍ និងពិធីសារនៃធម្មនុញ្ញអាស៊ាន ស្តីពីយន្តការដោះស្រាយជម្លោះ ៣.២-ពិធី សារស្តីពីវិសោធនកម្មលើកិច្ចព្រមព្រៀងរវាងរដ្ឋាភិបាលនៃ ព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម ស្តីពីការជំរុញ និងការការពារវិនិយោគ ។
៣.៣-កិច្ចព្រមព្រៀងអាស៊ានស្តីពីគយ ៣.៤-លិខិត សន្យាទូទាត់របស់រាជរដ្ឋាភិបាលនៃព្រះរាជាណាចក្រកម្ពុជា ឲ្យក្រុមហ៊ុន ស៊ីធីលូម អេសអេ (CITELUM S.A)សម្រាប់គម្រោងវិនិយោគសាងសង់ ផ្ទេរ និងធ្វើប្រតិបត្តិការ (BTOC) អភិវឌ្ឍន៍ហេដ្ឋារចនាសម្ព័ន្ធសេវាបំភ្លឺសាធារណៈនៅរាជធានី ភ្នំពេញ ៕
