រថយន្ដកុងតឹនឺ បុកនឹងរថយន្ដក្រុង បណ្តាលឲ្យមនុស្ស ១៨នាក់សម្លាប់
សារព័ត៌មានយុវវ័យថ្មី/
អាជេនធីណា(១០ កុម្ភៈ ២០១៤) ៖ យ៉ាងតិចណាស់មនុស្ស១៨នាក់ បានស្លាប់ និង ១៤នាក់រងរបួស ដោយសារតែ រថយន្ដក្រុង បានបុកពេញមួយទំហឹង ទៅនឹង រថយន្ដកុងតឺនឺ ដែលជិះបញ្ច្រាស់ទិស នៅលើផ្លូវជាតិ ខេត្ដ Mendoza នៃប្រទេសអាជេនធីណា។
ការ ប៉ះទង្គិចដ៏ធ្ងន់ធ្ងរនេះ បានកើតឡើង រវាង រថយន្ដក្រុងរបស់ក្រុមហ៊ុន Mercobus ដែលរថយន្ដនេះផ្ទាល់ បើកនៅលើផ្លូវរបស់ខ្លួន ខណៈពេលដែលរថយន្ដកុងតឺនឺ បើកបរក្នុងល្បឿន នៅលើផ្លូវបញ្ច្រាស់ទិស បន្ទាប់ពីប៉ះទង្គិច រថយន្ដទាំងពីរ បានបង្កឲ្យមានការឆាបឆេះយ៉ាងខ្លាំង និងបណ្ដាលឲ្យមានជនរងគ្រោះជាច្រើន មានទាំងរបួស និងឆេះខ្លោចស្លាប់បន្ថែមទៀត។
យោងតាមប្រភពសារព័ត៌មានក្នុងស្រុក MDZ បានឲ្យដឹងថា អ្នកដំណើរជាង ២៨នាក់ ដែលស្ថិតនៅក្នុងរថយន្ដក្រុង និងមានអ្នកបើកបរ២នាក់ ដែលក្នុងចំនោមនោះ មាន ១៨នាក់បានស្លាប់។ មានអ្នកស្លាប់១៣នាក់ នៅកន្លែងកើតហេតុ និង ផ្សេងទៀតស្លាប់នៅពេលដែល ធ្វើការសង្គ្រោះបន្ទាន់ នៅលើឧទ្ធម្ភាគចក្រ និងនៅមន្ទីរពេទ្យ។
សម្រាប់អ្នកបើករថយន្ដកុងតឺនឺ បានស្លាប់ នៅនឹងកន្លែងកើតហេតុ ទាំងឆេះខ្លោច មើលមិនយល់ និងមិនអាចបញ្ជាក់អត្តសញ្ញាណបាននោះទេ។ ចំពោះហេតុការណ៍ទាំងមូលនេះ សូម្បីតែអ្នកគ្រប់គ្រងខេត្ដ Mendoza លោក Francisco Perez និងមេប៉ូលីសផ្សេងៗ ក៏បានទៅដល់ កន្លែងកើតហេតុផងដែរ៕