អ្នកជិះឡានយន្តផ្លូវឆ្ងាយអាចប្រឈមនឹងជំងឺឈាមកក
សុខភាព៖ ការអង្គុយរយៈពេលយូរនាពេលធ្វើដំណើរកម្សាន្តផ្លូវឆ្ងាយច្រើនម៉ោងតាមយន្តហោះ ឬរថយន្តអាចធ្វើឲ្យមនុស្សប្រឈមខ្ពស់ជាមួយនឹងជំងឺឈាមកកជាពិសេស សរសៃត្រង់កំភួនជើង និងភ្លៅតែម្តង។
ឈាមកកអាចហូរចូលទៅកាន់ប្រព័ន្ធដង្ហើមត្រង់សួត ប្រព័ន្ធសរសៃឈាមខួរក្បាល បេះដូង និងបណ្តាសរីរាង្គដទៃទៀតបាន ហើយទីបំផុតវាអាចបំផ្លាញសរីរាង្គ និងសុខភាពមនុស្សជាបន្តបន្ទាប់ដល់បាត់បង់ជីវិតទៀតផង។
វេជ្ជ បណ្ឌិត ផ្នែកកាត់សរសៃឈាមបេះដូង បានឲ្យដឹងថា «ប្រសិនបើអ្នកជិះឡាន ឬយន្តហោះយូរម៉ោង អ្នកត្រូវឧស្សាហ៍ងើបឈរពត់ខ្លួនប្រាណជារៀងរាល់ពីរ ម៉ោងម្ដងដើម្បីសម្រួលចរន្តឈាម ហើយមិនត្រូវអង្គុយ ឬដេកមួយកន្លែងឲ្យលើសបួនម៉ោងនោះទេ»។
លោកអ្នកត្រូវផឹកទឹកឬភេសជ្ជៈឲ្យបានច្រើន ស្លៀកខោអាវរលុងបន្តិច និងត្រូវទទួលទានអាហារណាដែលងាយរំលាយ និងកុំញ៉ាំគ្រឿងស្រវឹងពេលជិះឡាន ឬយន្តហោះ៕ សារព័ត៌មាន Cambodia News
