កំណើនប្តីអានិកជន របស់តារាស្រីខ្មែរ នាចុងឆ្នាំ២០១៣
ភ្នំពេញ៖ សម្រាប់ចុងឆ្នាំ២០១៣នេះ កំណើននៃការយកប្តីជាបុរសអានិកជន របស់សិល្បការិនីខ្មែរល្បីៗបាននឹងកំពុងមានសន្ទុះគួរអោយកត់សម្គាល់ ។ សិល្បការិនី ដែលបានភ្ជាប់ពាក្យ និងចូលរោងការជាមួយបុរសអានិកជនសំបូរទ្រព្យមានដូចជា ៖
តារា ម៉ូឌែលនាង សារ៉ាយ សក្ខណា បានចូលរោងការជាមួយនឹងកូនកំលោះវ័យ៣០ឆ្នាំដែលជាអានិកជនឆ្លងដែន មកពីសហរដ្ឋអាមេរិក ។ តារាសម្តែងសំបុរស្រអែមស្រស់នាង សារ៉ាយ សក្ខណា និងកំលោះសង្ហាជាមេធាវីបានភ្ជាប់ទំនាក់ទំនងស្នេហ៍នឹងគ្នាអស់ រយៈពេលជាច្រើនឆ្នាំមកហើយ មុនរៀបចំពិធីភ្ជាប់ពាក្យ និងឈានមកដល់រៀបអាពាហ៍ពិពាហ៍កាលពីថ្ងៃទី១២ ខែធ្នូ ឆ្នាំ២០១៣កន្លងទៅ ។
អតីតពិធីការិនីរបស់TV5នាង អឿន ដាលីស បានដឹកដៃប្រុសស្នេហ៍ជាអានិកជនរស់នៅប្រទេ សអូស្ត្រាលីចូលរោងការតាមប្រពៃណីខ្មែរកាលពីថ្ងៃទី១១ ខែធ្នូ ឆ្នាំ២០១៣ ។ ចំណែកពិធីការិនីល្បីឈ្មោះនាង អេន ជី នៅចុងឆ្នាំ២០១៣ នឹងចូលរោងការជាមួយបុរសអានិកជនរស់នៅសហរដ្ឋអាមេរិកវ័យ៣០ឆ្នាំមាន មុខងារជាវិស្វករ ។ ទំនាក់ទំនងស្នេហ៍រវាង អេន ជី និងបុរសឆ្លងទ្វីបប្រើរយៈពេលជិត៤ឆ្នាំទម្រាំយល់ ចិត្តគ្នា និងសម្រេចចូលរោងការតាមប្រពៃណីនៅថ្ងៃទី១៩ ខែធ្នូ ឆ្នាំ២០១៣ ។
តារាចម្រៀង ស្រីនៅក្នុងផលិតកម្មរ៉ៃមាសនាង ឈួន ស្រីម៉ៅ កាលពីពេលថ្មីៗនេះក៏ បានរៀបចំពិធីភ្ជាប់ពាក្យជាមួយអានិកជនខ្មែររស់នៅសហរដ្ឋអាមេរិកផងដែរ នៅគេហដ្ឋានរបស់នាង។
ដោយឡែកគឹម លីហ្សា តារាសម្តែងស្រីសាច់សខ្ចី ដែលទទួលបានជោគជ័យគួរសមលើអាជីពសិល្បៈ ត្រូវចូលរោងការនៅថ្ងៃទី១៨ ខែធ្នូ ឆ្នាំ២០១៣នេះ ជាមួយបុរសអានិកជនខ្មែរដែលរស់នៅប្រទេសអូស្ត្រាលី ។ សម្ពន្ធ័ភាពស្នេហារវាងនាង គឹម លីហ្សា ជាមួយប្រុសស្នេហ៍ឆ្លងដែន ដែលឈានមកដល់ធ្វើការក្រាបផ្ទឹមរៀបការតាមប្រពៃណីខ្មែរត្រូវបានគេ ដឹងថា កើតមានផ្អែមល្ហែមជាមួយគ្នាអស់រយៈពេលប្រមាណជាងមួយខែនៅលើទឹកដីនៃ ប្រទេសអូស្ត្រាលី៕ Cambodia News
