នាយករដ្ឋមន្ត្រី នឹងដឹកនាំគណៈប្រតិភូត្រលប់មកកម្ពុជា នៅរសៀលថ្ងៃនេះ
ភ្នំពេញ៖ នៅថ្ងៃទី១៧ធ្នូនេះ លោក ហ៊ុន សែន នាយករដ្ឋមន្ត្រី នៃប្រទេសកម្ពុជា នឹងដឹកនាំ គណៈប្រតិភូសមាជិករាជរដ្ឋាភិបាលជាច្រើនរូបទៀតធ្វើមាតុភូ និវត្តន៏វិញ បន្ទាប់ពីបានធ្វើដំណើរទស្សនកិច្ច នៅក្នុងប្រទេសជប៉ុន តាមការអញ្ជើញ របស់នាយករដ្ឋមន្រ្តី ជប៉ុន ស៊ីនហ្សូ អាបេ (Shinzo ABE) ។
យោងតាមសេចក្ដីប្រកាសព័ត៌មាន របស់ក្រសួងការបរទេសកម្ពុជាឲ្យដឹងថា កិច្ចប្រជុំកំពូលរំឭកខួបអនុស្សាវរីយ៏អាស៊ាន-ជប៉ុនលើកទី៤០ និងអនុម័តលើសេចក្ដីថ្លែងការណ៏ចក្ខុវិស័យ ស្ដីពីមិត្តភាព និងកិច្ចសហប្រតិបត្តិការ រវាងអាស៊ាន-ជប៉ុន និងសេចក្ដីថ្លែងការណ៏ នៃកិច្ចប្រជុំកំពូល រំឭកខួបអនុស្សាវរីយ៍ អាស៊ាន-ជប៉ុន លើកទី៤០ “ រួមដៃគ្នា ដោះស្រាយបញ្ហានានា នៅក្នុងតំបន់ និងសកលលោក” ។ កិច្ចប្រជុំកំពូលមេគង្គ-ជប៉ុនលើកទី៥ នឹងអនុម័ត លើការត្រួតពិនិត្យឡើងវិញ នូវ ” យុទ្ធសាស្ត្រក្រុងតូក្យូឆ្នាំ ២០១២ សម្រាប់កិច្ចសហប្រតិបត្តិការមេគង្គជប៉ុន” ។
គួរបញ្ជាក់ថា លោក ហ៊ុន សែន នាយករដ្ឋមន្ត្រីកម្ពុជា នៃប្រទេសកម្ពុជា បាន ដឹកនាំគណៈប្រតិភូមួយក្រុមទៅបំពេញទស្សនកិច្ចនៅប្រទេសជប៉ុនកាល ព្រឹកថ្ងៃព្រហស្បតិ៍ទី១២ធ្នូ។ជាដំណើរទស្សនកិច្ច ដែលធ្វើឡើង ចាប់ពីថ្ងៃទី១២ធ្នូ ដល់ថ្ងៃទី១៧ធ្នូ៕ Cambodia News
