គួរប្រយ័ត្នចំពោះអាការនៃជំងឺឈឺក្បាល
សុខភាព៖ បើទោះបីជាជំងឺឈឺក្បាលបាន បង្ខំឲ្យយើងមិនអាចធ្វើអ្វីបានទាំងអស់ក៏ដោយក៏ជំងឺឈឺក្បាលនេះវា ពុំមានគ្រោះថ្នាក់ធ្ងន់ធ្ងរដល់អាយុជីវិតដែរ។ តែរោគឈឺក្បាល ឬប្រកាំងក៏ជាសញ្ញាមួយ ដែលអាចនាំឱ្យដល់សភាពធ្ងន់ធ្ងរផងដែរ ហើយដែលទាម ទារឱ្យលោកអ្នកយកចិត្តទុកដាក់ខ្ពស់។
រោគសញ្ញានៃការឈឺក្បាលមួយចំនួនដែលអ្នកគួរ ប្រយ័ត្នគឺនៅពេលអ្នកតែងតែឈឺក្បាលខ្លាំងជាប្រចាំ ដែលវាអាចធ្វើឱ្យខួរក្បាលលោកអ្នកស្ពឹក ស្រពន់ ប្រែជាបាត់បង់ស្មារតី ហើយពេលនោះលោកអ្នកចាប់ផ្តើមហូរឈាមតិចៗតាមច្រមុះ ហើយការហូរឈាមនេះវាអាចនាំឱ្យមានបញ្ហាដល់ប្រព័ន្ធឈាមដូចជានាំឱ្យ ខ្វះឈាម ហើយក៏បង្កគ្រោះថ្នាក់ដល់ជីវិតផងដែរ ។
ប្រសិនបើ ឈឺកព្រមទាំងក្តៅខ្លួនផងនោះ វាគឺជាសញ្ញាដែលបញ្ជាក់ឱ្យដឹង ពីរោគរលាកស្រោមខួរហើយដែលអាចនាំឱ្យប៉ះពាល់ដល់មណ្ឌលប្រព័ន្ធសសៃ ប្រសាទជា ខ្លាំង ។ ករណីមួយទៀតគឺអ្នកអាចនឹងមានអាការៈដូចជាចង់ក្អួតចង្អោរជាដើម ដែលនេះជារោគសញ្ញាមួយនៃការរលាកសសៃប្រសាទឬការទុនខ្សោយនៃ ប្រព័ន្ធប្រសាទ៕ វត្តី/Cambodia Nes
