នគរបាលអូស្ត្រាលី និងឥណ្ឌូណេស៊ីមានទំនាក់ទំនងគ្នាល្អ
ស្នងការ នគរបាលសហព័ន្ធអូស្ត្រាលីលោក Tony Negus មានប្រសាសន៍ថាមន្ត្រីរបស់លោកដែលបម្រើការនៅប្រទេសឥណ្ឌូណេស៊ីនឹង បន្តការងាររបស់ខ្លួនឲ្យបានយូរទៅតាមលទ្ធភាព។
កាល ពីម្សិលមិញនេះ ប្រធានាធិបតីឥណ្ឌូណេស៊ីបានផ្អាកកិច្ចសហប្រតិបត្តិការយោធា និងស៊ើបការ បន្ទាប់ពីមានការបញ្ចេញព័ត៌មានពីចារកិច្ចអូស្ត្រាលីថតការសន្ទនា តាមទូរស័ព្ទរបស់លោក និងក្រុមមន្ត្រីជិតស្និទ្ធ។
លោក Negus បន្តថា បច្ចុប្បន្ននេះមាននគរបាលសហព័ន្ធអូស្ត្រាលីចំនួន ៣០រូបកំពុងបម្រើការងារនៅប្រទេសឥណ្ឌូណេស៊ី ប៉ុន្តែលោកមិនបានបញ្ជាក់ថានឹងដកនគរបាលបម្រើការនៅទីនោះមកវិញ ឬយ៉ាងនោះទេ៕ (Radio Australia)