គម្រោងកាត់បន្ថយថវិកាលើនាយកដ្ឋានគយអូស្ត្រាលីនឹងធ្វើឲ្យភ្នាក់ងារគយ ៦០០ នាក់ បាត់ការងារ
ប្រធាននាយកដ្ឋានគយអូស្ត្រាលី បានធ្វើ ការព្រមានជាបន្ទាន់មួយទៅលើការកាត់បន្ថយថវិកា ដោយបង្ហាញថាភ្នាក់ងារគយចំនួនប្រមាណជា ៦០០ នាក់អាចនឹងត្រូវបាត់បង់ការងារនៅក្នុងរយៈពេល ៤ ឆ្នាំខាងមុខនេះ។
លោក Michael Pezzullo បានប្រាប់សវនាការលើការប៉ាន់ប្រមាណថវិការបស់ព្រឹទ្ធសភាថា ថវិការបស់នាយកដ្ឋានគយ កំពុងធ្លាក់ចុះប្រមាណជា ៧៣០លានដុល្លារពីពេលបច្ចុប្បន្ន រហូតដល់ឆ្នាំ ២០១៧។
លោក Pezzullo បាននិយាយថារបៀបធ្វើការរបស់ភ្នាក់ងារបច្ចុប្បន្នគឺមិនមានស្ថេរភាព ទេ ហើយនាយកដ្ឋានគយកំពុងធ្វើការលើករណីអាជីវកម្មថ្មី។
លោក បានមានប្រសាសន៍ថា ដើម្បីបំពេញតម្រូវការក្នុងការផ្តល់សេវាកម្មរបស់នាយកដ្ឋានគយ និងដើម្បីសម្របនឹងគោលនយោបាយសារពើពន្ធ គឺមានការលំបាកណាស់៕ (Radio Australia)
