សហគមន៍អន្តរជាតិកំពុងរួមគ្នាជួយដល់ប្រទេសហ្វ៊ីលីពីនដែលរងគ្រោះដោយព្យុះទីហ្វុង
កិច្ចប្រឹងប្រែងផ្ដល់ជំនួយ អន្តរជាតិមួយ កំពុងតែធ្វើឡើងដើម្បីឆ្លើយតបទៅនឹងតម្រូវការជំនួយបន្ទាន់ទៅដល់ ប្រទេសហ្វ៊ីលីពីនដែលរងការវាយប្រហារដោយសារព្យុះទីហ្វុងដ៏ធំ។
សហរដ្ឋ អាម៉េរិកបានបញ្ចូនយន្តហោះដឹកជញ្ជូនមួយចំនួន និងនាវាដែលអាចបើកក្នុងទឹក និងលើគោកបានមួយចំនួនទៅកាន់តំបន់ដែលរងគ្រោះ ព្រមទាំងបានសន្យាថា នឹងផ្ដល់ប្រាក់យ៉ាងតិចណាស់ ២០លានដុល្លារសម្រាប់ការជួយសង្គ្រោះនេះ។
ប្រទេសអូស្ត្រាលី នឹងផ្ដល់ប្រាក់ចំនួន ១០លានដុល្លារ និងបានបញ្ជូនក្រុមគ្រូពេទ្យ និងរៀបចំជាកន្លែងព្យាបាលមួយដល់ជនរងគ្រោះនៅហ្វ៊ីលីពីន។
ប្រទេស អង់គ្លេសនឹងផ្ដល់ប្រាក់ចំនួន ១៧លានដុល្លារ ខណៈពេលដែលប្រទេសចិនសន្យាថា នឹងផ្ដល់ប្រាក់ជំនួយចំនួន ១សែនដុល្លារផងដែរ៕ (Radio Australia)