មេដឹកនាំបក្សប្រឆាំង ប្ដូរជំហរ ក្នុងការទាមទារតំណែង
ភ្នំពេញ៖ កាលពីថ្ងៃទី៣ ខែវិច្ឆកា មេដឹកនាំគណបក្សសង្រ្គោះជាតិ បានប្រកាសជាសាធារណៈ ប្រាប់ក្រុមអ្នកគាំទ្រខ្លួន ក្នុងក្រុងភ្នំពេញ ថា នឹងតាំងចិត្ត យកតំណែងអភិបាលក្រុងភ្នំពេញ។ ការអះអាងនេះ ខុសប្លែក កាលពីមុនៗ ដែលថា មិនទាមទារតំណែងក្នុងរដ្ឋាភិបាល ហើយថា និងព្យាយាម ឲ្យមានការបង្កើត គ ណៈ កម្មាធិកា រឯករាជ្យ ស្វែងរកការពិត ដើម្បីផ្ដល់យុត្តិធម៌ជូនម្ចាស់ឆ្នោតនោះ ។
ការទាមទារបែបនេះ ដោយលោក សម រង្ស៊ី សំអាងថា គឺដោយសារតែ គណបក្សសង្រ្គោះជាតិមានសម្លេងឆ្នោតនាំមុខ គណបក្សប្រជាជនកម្ពុជា ក្នុងទីក្រុងភ្នំពេញចំនូន២ អាសនៈ ។ ពោល គឺគណបក្សសង្រ្គោះជាតិ ទទួលបាន៧ អាសនៈ ចំណែកគណបក្សប្រជាជនកម្ពុជា ទទួលបានត្រឹមតែ ៥ អាសន នោះ ។
មេដឹកនាំ គណបក្សប្រឆាំងរូបនេះ បានបង្ហាញពីសក្ដានុពលភាពទីក្រុងភ្នំពេញថា ក្រុងភ្នំពេញគឺជាមូលដ្ឋានសំខាន់ គឺជាបេះដូង ជាក្បាល ។ ប៉ុន្តែបើទោះជាដូច្នេះ ក្ដីតាមច្បាប់របស់ប្រទេសកម្ពុជា អ្នកដែលមានសិទ្ធិក្នុងការបែងចែកអំណាច គឺគណបក្សដែលឈ្នះឆ្នោតសរុបទូទាំងប្រទេស មិនមែនគណបក្សប្រឆាំងឡើយ ។
គួរបញ្ជាក់ថា តំណែអភិបាលក្រុងភ្នំពេញ បច្ចុប្បន្ន កំពុងគ្រប់គ្រងដោយ លោក ប៉ា សុជាតិវង្ស មកពីកូតាគណបក្សបក្សប្រជាជនកម្ពុជា ៕ Cambodia News
