ក្រុមហ៊ុនរ៉ែអូស្ត្រាលីព្យាយាមរារាំងសកម្មជនបរិស្ថានមិនឲ្យចូលជាសមាជិកគណៈកម្មាធិកានាយក
ក្រុមហ៊ុន រ៉ែដ៏ធំមួយរបស់អូស្ត្រាលីឈ្មោះ BHT Billiton កំពុងព្យាយាមរារាំងសកម្មជនការពារបរិស្ថានពីការទទួលកៅអីក្នុង ចំណោមសមាជិកគណៈកម្មាធិការនាយករបស់ក្រុមហ៊ុននេះ នៅក្នុងកិច្ចប្រជុំប្រចាំឆ្នាំរបស់ខ្លួននាពេលខាងមុខ។
សកម្មជនបរិស្ថានលោក Ian Dunlop អតីតប្រធានក្រុមហ៊ុនប្រេងមួយ ហើយក៏ធ្លាប់បានកាន់តំណែងជាប្រធានសមាគមរ៉ែធ្យូងថ្មអូស្ត្រាលី ផងដែរ។
ក្រុមហ៊ុន BHT កំពុងជំរុញដល់ក្រុមហ៊ុនដៃគូរបស់ខ្លួនឲ្យធ្វើការបដិសេធបេក្ខភាព របស់លោកមិនឲ្យចូលកាន់តំណែងជាសមាជិកគណៈកម្មាធិការនាយក ដោយសារតែជំហររបស់លោកទាក់ទងទៅនឹងបញ្ហាបរិស្ថាន។
លោក Dunlop មានប្រសាសន៍ថា វាដល់ពេលដែលឧស្សាហកម្មឥន្ធនៈផូស៊ីលគិតគូរពីបញ្ហាប្រែប្រួលអាកាស ធាតុឲ្យបានប្រសើរជាងនេះ៕ (Radio Australia)
