ចរាចរណ៍ផ្លូវម្តុំបឹងកេងកងចាប់ផ្តើមស្ទះនៅថ្ងៃសម្ពោធព្រះបរមរូប
ភ្នំពេញ៖ ផ្លូវឆ្លងកាត់វិមានឯករាជ្យ ត្រូវបានយាមកាមយ៉ាងតឹងរ៉ឹង ដោយមិនឲ្យមានការឆ្លងកាត់។ស្តូបតម្កល់ព្រះបរមរូប ព្រះមហាវីរក្សត្រ សម្តេចព្រះនរោត្តម សីហនុ ឋិតនៅសួនច្បារខាងកើតវិមានឯករាជ្យ ត្រូវសម្ពោធនៅព្រឹកថ្ងៃសុក្រ ទី១១ ខែតុលា ឆ្នាំ២០១៣ ក្រោមព្រះរាជាធិបតីភាពព្រះមហាក្សត្រ សម្តេចម៉ែ និងការចូលរួមពីលោកនាយករដ្ឋមន្ត្រី ហ៊ុន សែនផងដែរ។
ការបិទផ្លូវមិនឲ្យមានការឆ្លងកាត់ ធ្វើចរាចរណ៍នៅម្តុំបឹងកេងកង លើផ្លូវលេខ៦៣ (ផ្លូវត្រសក់ផ្អែម) ចាប់ផ្តើមស្ទះទាំងព្រឹកព្រលឹម ខណៈអាជ្ញាធរបង្កើនការយាមកាម សម្រាប់ការប្រារព្ធពិធីសម្ពោធព្រះបរមរូបនៅក្បែរវិមានឯករាជ្យ។
ពលរដ្ឋអ្នកធ្វើដំណើរលើផ្លូវលេខ៦៣ សម្តែងការខឹងមួរម៉ៅនឹងការស្ទះចរាចរណ៍។ អ្នកធ្វើដំណើរតាមរថយន្ត មិនអាចធ្វើដំណើរទៅមុខបាន។ ចំណែកអ្នកធ្វើដំណើរតាមម៉ូតូ ព្យាយាមជិះកាត់ផ្លូវ និងច្រកតូចៗ។ពលរដ្ឋមួយចំនួន រាយការណ៍មកថា មហាវិថីមួយចំនួនទៀត ក៏មានការកកស្ទះផងដែរ។
នេះមិនមែនជាលើកទីមួយទេនៃ ការកកស្ទះចរាចរណ៍ នៅពេលមានពិធីធំដុំអ្វីមួយក្បែរវិមានឯករាជ្យ ដោយមានថ្នាក់ដឹកនាំរដ្ឋាភិបាលចូលរួម៕ នាង/Cambodia News
