ក្នុងរាជធានីភ្នំពេញ បន្តលិចទឹក ដោយសារ ភ្លៀង កាលពីយប់មិញ
ភ្នំពេញ ៖ ដោយសារតែភ្លៀង ធ្លាក់ខ្លាំងពេក កាលពីយប់ថ្ងៃទី៨ ខែតុលា បានធ្វើឲ្យ តំបន់ជាច្រើន នៅក្នុង រាជធានីភ្នំពេញ នៅបន្តលិចលង់ រហូតមកដល់ ព្រឹកព្រលឹមថ្ងៃទី៩ ខែតុលា នេះ ហើយកន្លែងខ្លះ និងផ្លូវខ្លះស្ទើមិនអាច ធ្វើដំណើរបាននោះឡើយ ។
កំណាត់ផ្លូវសហព័ន្ធរុស្ស៊ី ចាប់ពីភ្លើងស្តុបមុខ ព្រលានយន្តហោះ អន្តរជាតិភ្នំពេញ រហូតដល់ជិតរង្វង់មូលចោមចៅ នៅបន្តជន់លិចនៅឡើយ រហូតដល់ត្រឹមក្បាលជង្គង់ គិតត្រឹមវេលាម៉ោង ប្រមាណ ៦៖៣០នាទីព្រឹកព្រលឹមថ្ងៃនេះ។
សម្រាប់អាកាសធាតុ នាព្រឹកថ្ងៃព្រលឹមថ្ងៃនេះ ហាក់បីមិនទាន់អំណោយផលឡើយ ហើយប្រសិនបើភ្លៀងធ្លាក់មួយមេទៀតនោះ ច្បាស់ជារាជធានីភ្នំពេញ ក្លាយជាទឹកទន្លេហើយមើលទៅ។
សូមបញ្ជាក់ថា កាលពីយប់មិញ ដោយសារតែ ផ្លូវមុខ ព្រលានយន្តហោះ ត្រូវបានលិចលង់នោះ បានបណ្តាលឲ្យ បុរសវ័យជាង៦០ម្នាក់ ត្រូវភ្លើងឆក់ស្លាប់ ខណៈជនរងគ្រោះ បានចាកចេញពីផ្ទះ ហើយដើរនៅជិត បង្គោលភ្លើងដូច្នេះ ប្រជាពលរដ្ឋ ផ្សេងទៀត នៅពេលមានភ្លៀងធ្លាក់ខ្លាំង និងជន់លិចខ្លាំងនោះ ត្រូវជៀសវាងទៅ ជិតបង្គោលភ្លើង ខ្លាចមានគ្រោះថ្នាក់ ដោយយថាហេតុ ដូចករណីខាងលើ៕ នាង/Cambodia News