ប្រទេសអូស្ត្រាលីរងការរិះគន់លើផែនការកាត់ជំនួយ
ផែនការ របស់ប្រទេសអូស្ត្រាលីក្នុងការកាត់ជំនួយផ្តល់ទៅក្រៅប្រទេស បានរងការរិះគន់ពីមហាជនជាច្រើននាក់នាទីក្រុងញូយ៉ក។
មាន មហាជនប្រមាណ ៧ម៉ឺន ៥ពាន់នាក់បានប្រមូលផ្តុំគ្នានៅ Central Park ក្នុងទីក្រុងញូយ៉ក ដើម្បីចូលរួមក្នុងការប្រគុំតន្ត្រីប្រឆាំងភាពក្រីក្រនៅទូទាំង ពិភពលោក ដែលការប្រគុំតន្រី្តនេះក៏មានការចូលរួមពីលោក អគ្គលេខាធិការអង្គការសហប្រជាជាតិលោក បាន គីមូន ព្រមទាំងមេដឹកនាំបណ្តាប្រទេសជាច្រើនទៀតផងដែរ។ ប្រធានគម្រោងភាពក្រីក្រពិភពលោកអូស្ត្រាលី លោក Hugh Evans បានថ្លែងប្រាប់មហាជន អំពីគម្រោងរបស់នាយករដ្ឋមន្ត្រីអូស្ត្រាលីក្នុងការកាត់បន្ថយ ប្រាក់ជំនួយ ៤ពាន់៥រយលានដុល្លារពីកញ្ចប់ជំនួយ។
លោក Evans បានជំរុញលោកនាយករដ្ឋមន្ត្រីឲ្យធ្វើការកែប្រែគម្រោងនេះវិញ ដោយលោកបានហៅគម្រោងកាត់បន្ថយជំនួយនេះថាជាអាកប្បកិរិយានយោបាយមិន ល្អ ដែលលោកលើកឡើងថាគម្រោងនេះនឹងកំណត់នូវកេរ្តិ៍ឈ្មោះប្រទេស អូស្ត្រាលីក្នុងឆាកអន្តរជាតិ៕(Radio Australia)
