រដ្ឋាភិបាលអូស្ត្រាលីថ្មីរៀបចំកាត់បន្ថយបុគ្គលិករដ្ឋ និងគ្រប់គ្រងការផ្ដល់ជំនួយអន្តរជាតិ
លោក Tony Abbott នាយករដ្ឋមន្ត្រីអូស្ត្រាលីមានប្រសាសន៍ថា ទីភ្នាក់ងារ AusAID ក៏ដូចជាស្ថាប័នដទៃទៀតទាំងអស់នៃសេវាសាធារណៈអាចនឹងមានបុគ្គលិកតិច ជាងមុនក្នុងរយៈពេលឆាប់ៗនេះ។
សេចក្ដី សម្រេចចិត្តដំបូងរបស់រដ្ឋាភិបាលក្រោយពីបានស្បថ ចូលកាន់តំណែងកាលពីថ្ងៃម្សិលមិញគឺបានបញ្ចូលទីភ្នាក់ងារ AusAID ទៅក្នុងក្រសួងការបរទេស។
រដ្ឋាភិបាលអូស្ត្រាលីនិយាយថា ការធ្វើបែបនេះមានន័យថា គោលបំណងនៃការផ្ដល់ជំនួយគឺនឹងកាន់តែស្របគ្នាទៅនឹងផែនការការបរទេស របស់ប្រទេសអូស្រ្តាលីហើយ។
លោក Abbott មានប្រសាសន៍ថា AusAID អាចនឹងបាត់បង់បុគ្គលិកជាមួយនឹងផែនការកាន់បន្ថយបុគ្គលិករដ្ឋ ចំនួន ១ម៉ឺន ២ពាន់នាក់៕ (Radio Australia)