អាជ្ញាធរបង្ហាញជនដៃដល់បាញ់សម្លាប់មនុស្ស១២នាក់នៅអាម៉េរិក
បើតាម ក្រុមអ្នកស៊ើបអង្កេតបង្ហាញថា បុរសម្នាក់ដែលបានបាញ់សម្លាប់មនុស្សរហូតដល់ ១២នាក់នៅសហរដ្ឋអាម៉េរិកបានបម្រើការនៅកងទាហានជើងទឹកបួនឆ្នាំ មុនពេលក្លាយជាអ្នកធ្វើការកុងត្រាដល់ក្រសួងការពារជាតិ។ ខ្មាន់កាំភ្លើងដែលមានវ័យ ៣៤ឆ្នាំរូបនេះមានឈ្មោះថា Araran Alexis។
អតីតទាហានដែលទទួលបានការ តែងតាំងរូបនេះបានបើកការវាយប្រហារនៅទីលានកងទាហានជើងទឹក អាម៉េរិកនៅទីក្រុងវ៉ាស៊ីងតោន បង្កឲ្យមានការភ័យខ្លាចនៅមូលដ្ឋានទ័ពនោះ ដែលមានចំណាយតែប៉ុន្មានគីឡូម៉ែត្រប៉ុណ្ណោះពីសេតវិមាន និងទីក្រុងរដ្ឋបាលអាម៉េរិក មុនពេលដែលនគរបាលបានបាញ់សម្លាប់រូបគាត់។
លោក Alexis ធ្លាប់មានការប៉ះទង្គិចដោយអាវុធចំនួនពីរលើក ហើយបើតាមកងទ័ពជើងទឹកឲ្យដឹងថារូបលោកត្រូវបានគេបណ្តេញចេញពី កងទាហានជើងទឹកកាលពីឆ្នាំ ២០១១ បន្ទាប់ពីរូបលោកមានបញ្ហាប្រព្រឹត្តខុសឆ្គងមួយចំនួន។
ថ្មីៗ លោកទទួលបាននូវការលើកលែងទោសដោយសម្ងាត់ដើម្បីអាចចាប់ផ្តើមធ្វើ ការជាអ្នកទទួលការងារកុងត្រាផ្នែកស៊ីវិលនៅមូលដ្ឋានទាហានជើង ទឹក។
លោក អូបាម៉ា ប្រធានាធិបតីអាម៉េរិកបានឲ្យដឹងថា ប្រទេសនេះបានពើបប្រទះនឹងការសម្លាប់រង្គាលដោយអាវុធជាថ្មីម្តង ទៀតហើយ៕ (Radio Australia)
