កសិករអូស្រ្តាលីភ្ញាក់រលឹកអំពីការផលិតស្បៀងឲ្យសមតាមបំណងរបស់ប្រទេសអាស៊ី
ប្រធានសមាគមកសិករអូស្រ្តាលីមួយរូបនិយាយថា កសិករអូស្រ្តាលីត្រូវតែផ្លាស់ប្ដូរផ្នត់គំនិតទៅនឹងទីផ្សាររបស់ប្រទេសអាស៊ី។
លោក Dale Park ដែលជាប្រធាននៃសហព័ន្ធកសិករនៅក្នុងរដ្ឋអូស្រ្តាលីខាងលិច ថ្លែងថាការដែលមានជំនឿថាប្រទេសអូស្រ្តាលីអាចក្លាយជាអ្នក ផ្គត់ផ្គង់ស្បៀងអាហារសម្រាប់តំបន់អាស៊ីគឺជាការគិតខុស ពីព្រោះថាបណ្ដាប្រទេសអាស៊ីអាចផលិតស្បៀងបានដោយខ្លួនឯង។
លោក បន្តថា ទីផ្សារនៅក្នុងតំបន់អាស៊ីអាចពឹងផ្អែកផលិតផលពីប្រទេសអូស្រ្តាលី ក្នុងទ្រង់ទ្រាយតិចតួចប៉ុន្តែពួកគេអាចមានជម្រើស។
លោក Dale Park បន្ថែមទៀតថា ប្រជាជនអូស្រ្តាលីត្រូវតែជម្នះឲ្យបានលើទស្សនៈរបស់ខ្លួនដែលឃើញថា អូស្រ្តាលីជាអ្នកលក់ ហើយអាស៊ីជាអ្នកទិញ នោះ។ ហើយនេះគឺជាប្រសាសន៍ដើមរបស់លោក៖
“Australia seems to think that just because we are selling things, that’s good enough and they should be grateful that we’ve got things to sell to them. Whereas I really think the boot is on the other foot: that we should be making sure that we produce things that they are going to want, not the other way around”.
អម្បាញមិញនេះលោក Dale Park បានថ្លែងថា អូស្រ្តាលីទំនងជាគិតថា គ្រាន់តែយើងមានអ្វីៗសម្រាប់លក់នោះគឺគ្រប់គ្រាន់ទៅហើយ។ និងទស្សនៈថាអ្នកទិញគួរតែដឹងគុណយើងវិញទេ។ ប៉ុន្តែលោកថាស្ថានភាពនេះមិនដូច្នោះទៀតទេ។ លោកថា យើងគួរតែដឹងច្បាស់ថាយើងត្រូវផលិតនូវអ្វីៗដែលដែលគេចង់បាន៕ (Radio Australia)