ឆ្នំា ២០១៣៖ សេដ្ឋកិច្ចចិនកំពុងបន្តនៅទ្រឹង
សេដ្ឋកិច្ច ចិនកំពុងបន្តបង្ហាញឲ្យ ឃើញនូវសញ្ញាទ្រឹងមួយកន្លែង និងហាក់ដូចជាមានល្បឿនថយបន្តិច។ តួលេខចេញផ្សាយដោយក្រសួងពន្ធដារកាលពីថ្ងៃព្រហស្បតិ៍ ទី៨ សីហាបង្ហាញថា សំណល់ពាណិជ្ជកម្មបានធ្លាក់ចុះជិត ៣០% គិតត្រឹមខែកក្កដាក្នុងរយៈពេល ១ឆ្នំា។ ទិន្នន័យនេះបានបញ្ជាក់ពីការថយចុះនៃការនំាទំនិញចូល និងការនំាទំនិញចេញក្នុងរយៈពេលប៉ុន្មានខែចុងក្រោយនេះ។
តំាង ពីប៉ុន្មានខែកន្លងមកហើយដែលសេដ្ឋកិច្ចចិនកំពុងមានកំណើនយ៉ាង យឺតៗ។ អត្រាកំណើនសេដ្ឋកិច្ចចំនួន ៧% នៅក្នុងត្រីមាសទី២ និងការធ្លាក់ចុះនូវសកម្មភាពនៃកម្មន្តសាលតំាងពី ១១ខែកន្លងទៅ បាននិងកំពុងធ្វើឲ្យគ្រប់គ្នាបារម្ភពីដំណើរដង្ហក់នៃប្រទេស មហាអំណាចសេដ្ឋកិច្ចទី២ក្នុងលោកមួយនេះ។
លោក Jean-François Huchet នាយកមជ្ឈមណ្ឌលសិក្សាបារំាងស្តីពីប្រទេសចិនដែលមានមូលដ្ឋាននៅ ហុងកុងបានយល់ឃើញថា មានសញ្ញាជាច្រើនដែលបាននិងកំពុងបង្ហាញពីការផ្លាស់ប្តូរយ៉ាង ស៊ីជម្រៅមួយនៅក្នុងសេដ្ឋកិច្ចរបស់ចិន។ សេដ្ឋកិច្ចចិនដែលតំាងពីយូរលង់មកហើយ បានពឹងផ្អែកសឹងតែទំាងស្រុងលើវិនិយោគរបស់បរទេស និងការនំាទំនិញចេញ។ យោងតាមលោក Huchet រដ្ឋាភិបាលក្រុងប៉េកំាងត្រូវតែស្វែងរកគំរូថ្មីក្នុងការជម្រុញ សេដ្ឋកិច្ចរបស់ខ្លួនដែលកំពុងនៅទ្រឹងមួយកន្លែង តែដើម្បីអាចផ្លាស់ប្តូរទម្លាប់ស្វែងរកកំណើនេះបាន គេត្រូវការពេលវេលាយូរអង្វែង។
យ៉ាងណាក៏ដោយ និងបើតាមលោក Huchet ចិនត្រូវតែផ្តើមកាត់បន្ថយបន្តិចនូវចង្វាក់វិនិយោគដែលកំពុងមាន កម្រិតខ្ពស់ជ្រុលតំាងពីដើមឆ្នំា ២០០០ ពិសេសតំាងពីរដ្ឋាភិបាលក្រុងប៉េកំាងបានផ្តើមអនុវត្តនូវផែនការ ផ្តល់សន្ទុះកំណើនសេដ្ឋកិច្ចក្នុងឆ្នំា ២០០៨។
ជាមួយនឹងអត្រាវិនិយោគ និងការនំាទំនិញចេញថយចុះ សេដ្ឋកិច្ចរបស់ចិនត្រូវតែងាកទៅពឹងលើការបង្កើនចំណាយរបស់ប្រជាជន ក្នុងស្រុកវិញម្តង។ ការចំណាយរបស់ប្រជាជនក្នុងស្រុកដែលកំពុងនៅមានកម្រិតទាបខ្លំាង ណាស់៕ដោយ គួច គន្ធារ៉ា (RFI)
