ពលរដ្ឋអូស្រ្តាលីជាង១លាននាក់មិនទាន់ចុះឈ្មោះបោះឆ្នោត
រដ្ឋាភិបាលអូស្រ្តាលីនិយាយថា ពលរដ្ឋនៅក្នុងប្រទេសនេះជាង១លាននាក់មិនបានចុះឈ្មោះបោះឆ្នោត។
អគ្គមេធាវី របស់ប្រទេសអូស្រ្តាលី លោក Mark Dreyfus មានប្រសាសន៍ថា មួយចំនួនធំនៃជនទាំង១លាន៣សែននាក់នោះ គឺក្រុមមនុស្សដែលមានអាយុពី១៨ទៅ២៥ឆ្នាំ។
ការបោះឆ្នោតជាតិ នៅក្នុងប្រទេសអូស្រ្តាលីនិងប្រព្រឹត្តទៅនៅថ្ងៃទី៧ខែកញ្ញាក្រោយ នេះ ហើយពលរដ្ឋដែលមិនទាន់បានចុះឈ្មោះបោះឆ្នោតនៅសល់ពេលតែត្រឹមមុន ម៉ោង៨យប់ថ្ងៃច័ន្ទនេះ។
គួររំលឹកថាការបោះឆ្នោតនៅ ក្នុងប្រទេសអូស្រ្តាលីគឺជាការតម្រូវចាំបាច់តាមច្បាប់ដែលពលរដ្ឋ គ្រប់អាយុឆ្នាំត្រូវតែបោះឆ្នោតនិងមានការផាកពិន័យជាប្រាក់ ក្នុងករណីបានចុះឈ្មោះហើយតែមិនបានទៅបោះឆ្នោតទេនោះ៕ (Radio Australia)
