កម្មកររោងចក្រកាត់ដេរនៅស្រុកមុខកំពូលជាង ៣០នាក់ដួលសន្លប់
នៅពីព្រឹកថ្ងៃទី២៥ ឧសភា ២០១២ កម្មការិនីរោងចក្រកាត់ដេរ ក្រុមហ៊ុន ស៊ិកផ្លាស អ៊ីនដាសស្ទ្រី (SIX PLUS INDUSTRY Co., LTD) ដែលមានទីតាំងស្ថិតនៅក្នុងភូមិកណ្តាល ឃុំអញ្ចាញ ស្រុកមុខកំពូល ខេត្តកណ្តាល បានពុលដួលសន្លប់បន្តបន្ទាប់ជាច្រើនរយនាក់ ។
ស្ត្រីម្នាក់ដែលជាកម្មករនៅក្នុងរោងចក្រម្នាក់បាននិយាយថា កម្មករបានពុលដួលសន្លប់នៅពេលព្រឹកម៉ោង ៧ និង ៣០នាទី គឺម៉ោងចូលធ្វើការ។ គាត់បានបន្តថា កម្មករពុលដួលសន្លប់ គឺមិនដឹងមកពីមូលហេតុអ្វីដែរ គឺកម្មករទាំងអស់បានហូបតែនំចំណី និងទឹកម៉ុណ្ណោះ។
ក្រុមគ្រូពេទ្យនៅមន្ទីរពេទ្យកាល់ម៉ែតបានឲ្យដឹងថា កម្មករដែលចូលមកសម្រាកនៅទីនេះ គឺមានប្រហែលជាង ៣០នាក់ គឺជាកម្មការិនីទាំងអស់ ហើយអាការៈរបស់ពួកគាត់មិនសូវជាធ្ងន់ធ្ងរទេ គ្រាន់តែល្ហិតល្ហៃអស់កម្លាំងតែប៉ុណ្ណោះ៕