អូស្ត្រាលី​នៅ​មិន​ទាន់​​អាច​បញ្ឈប់​​​​​ការ​ហូរ​ចូល​មក​នូវ​​ជន​ស្វែង​​សិទ្ធិ​ជ្រក​កោន​តាម​ទូក

អតីត​​​​​មេដឹក​នាំ​ បក្ស​​​​​​ Greens ​ដែល​ជា​គណបក្ស​បរិស្ថាន​និយម​នៅ​ប្រទេស​​​​អូស្ត្រាលី លោក Bob Brown ​មាន​ប្រសាសន៍​ថា គម្រោង​​បញ្ជូន​ជន​ភៀស​ខ្លួន​ទៅ ប៉ាពួនូវែល​ហ្គីណេ​​របស់​រដ្ឋា​ភិបាល​អូស្ត្រាលី​បច្ចុប្បន្ន នឹង​​មិន​អាច​បញ្ឈប់​​​​​ការ​ហូរ​ចូល​មក​នូវ​​ជន​ស្វែង​​សិទ្ធិ​ជ្រក​កោន​ តាម​ទូក​នោះ​ទេ។

កាល ​ពី​សប្តាហ៍​មុន រដ្ឋា​ភិបាល​អូស្ត្រាលី បាន​ប្រកាស​​គោល​នយោបាយ​បញ្ជូន​​​រាល់​អ្នក​ចូល​មក​អូស្ត្រាលី​តាម​ទូក​ដោយ​ គ្មាន​ទិដ្ឋាការ ទៅ​កាន់​ប្រទេសប៉ាពួនូវែល​ហ្គីណេ។

​​​ លោក Bob Brown​ មាន​ប្រសាសន៍​ថា​មាន​តែ​គោល​នយោបាយ​បក្ស​ Greens ​របស់​លោក​ទេ ដែល​នឹង​បង្កា​ទប់​ស្កាត់​ការ​​​ធ្វើ​​ដំណើរ​តាម​សមុទ្រ​ដ៏​ប្រកប​ដោយ​គ្រោះ ​ថ្នាក់ មក​កាន់​​ប្រទេស​អូស្ត្រាលី។

“ If we want to prevent deaths at sea, the regional solution the Greens have been pursuing which gives people an opportunity to be processed in Indonesia or further north, beyond that – which is almost non-existent at the moment – is the best way to do it.”

​លោក Bob Brown ​មាន​ប្រសាសន៍​ថា​ បើ​យើង​ចង់​​បង្កា​រ​កុំ​ឲ្យ​មាន​​​ការ​បាត់​បង់​ជីវិត​ក្នុង​សមុទ្រ ​​ផែន​ការ​ដំណោះ​ស្រាយ​​​ជាមួយ​ប្រទេស​ក្នុង​​តំបន់​ ដែល បក្ស Greens ​​ចង់​បាន ដើម្បី​ផ្តល់​ឱកាស​ដល់​​​​​​​​​​ការ​​ចាត់​ចែង​អនុវត្ត​​​ពិ​និត្យ​ឯកសារ​​ ក្នុង​ប្រទេស​ឥណ្ឌូណេស៊ី ឬ​ដែន​ដី​ភាគ​ខាង​ជើង​នោះ គឺ​ជា​មធ្យោបាយ​ដ៏​ល្អ​បំផុត៕ (Radio Australia)