គ្រោះថ្នាក់រថភ្លើង express នៅប្រទេសថៃ
នៅប្រទេសថៃ មានរថភ្លើង express ធ្វើដំណើរពីក្រុងបាំងកក ទៅឈាងម៉ៃបានធ្លាក់ចេញពីផ្លូវដែកបណ្ដាលឲ្យរបួសមនុស្ស២៤នាក់។
គ្រោះថ្នាក់បានកើតឡើងកាលពីម៉ោង៣ភ្លឺព្រឹកនេះ។
ក្នុងចំណោមអ្នកដែលត្រូវរបួសទាំង២៤នាក់នោះ មានទេសចរមកពីប្រទេសអូស្រ្តាលី ប្រទេសអង់គ្លេស និងជប៉ុនផងដែរ។
អ្នកនាំ ពាក្យផ្នែកអយស្ម័យយានថៃនិយាយថា បញ្ហានេះកើតមានឡើងដោយសារផ្លូវដែកចាស់ទ្រុឌទ្រោម ក៏ប៉ុន្តែការពិនិត្យអង្កេតកំពុងតែប្រព្រឹត្តទៅ៕ (Radio Australia)
