មេភេរវករនៅឥណ្ឌូណេស៊ីកំពុងរត់គេចខ្លួន
មេដឹកនាំក្រុមភេរវករដ៏ល្បីម្នាក់កំពុង មានសិទ្ធិសេរីភាពនៅ ឥណ្ឌូណេស៊ីនៅឡើយ ក្រោយពីបានលួចរត់គេចចេញពីគុកនៅក្នុងអំឡុងពេលនៃការធ្វើកុ បកម្មមួយកាលពីសប្ដាហ៍មុន។
មានអ្នកទោសប្រមាណ១០០នាក់ ក្នុងចំណោមអ្នកជាប់ពន្ធនាគារជាង២០០នាក់ ដែលបានរត់គេចចេញពីពន្ធនាគារ Tanjung Gusta កាលពីថ្ងៃព្រហស្បតិ៍សប្ដាហ៍មុន ត្រូវបានអាជ្ញាធរចាប់ខ្លួនបានវិញហើយ។ ប៉ុន្ដែអ្នកទោសសំខាន់ដែលជាមេដឹកនាំក្រុមភេរវករ ដែលគេមិនទាន់ចាប់បាន គឺលោក Fadli Sadama។
មកទល់នឹងយប់មិញនេះ គេមិនមានដំណឹងណាអំពីកន្លែងស្នាក់នៅរបស់មេដឹកនាំរូបនេះទេ។
ទណ្ឌិត Fadli Sadama គឺជាអ្នកទោសដែលបានប្រព្រឹត្ដបទល្មើសម្ដងហើយម្ដងទៀត។ លោកត្រូវគេចាប់ខ្លួន ហើយដោះលែងវិញ៣លើកហើយ។
លោក គឺជាអ្នកជ្រុលនិយមខ្លាំង ក្រោយពីបានចាកចេញពីក្រុមភេរវកម្ម Jemaah Islamiya ដែលជាក្រុមមានទំនាក់ទំនងជាមួយនឹងក្រុមអាល់កាអ៊ីដា ពីព្រោះលោកគិតថា ក្រុម Jemaah Islamiya នេះមិនមែនជាក្រុមសកម្មប្រយុទ្ធខ្លាំងគ្រប់គ្រាប់សម្រាប់លោកឡើយ។
បណ្ដា អាជ្ញាធរឥណ្ឌូណេស៊ីកំពុងតែធ្វើយុទ្ធនាការតាមចាប់ខ្លួនទណ្ឌិតទាំង អស់ដែលគេនៅមិនទាន់ចាប់ខ្លួនបានវិញ។ ទោះបីជាមានការបិទផ្លូវឆែកឆេរជាច្រើនកន្លែងក៏ដោយ ក៏គេបានរកឃើញអ្នកទោសមួយចំនួនបានធ្វើដំណើរទៅដល់ខេត្ដមួយ ចំនួនទៅហើយ៕(Radio Australia)
