មានការយល់ឃើញផ្សេងគ្នាចំពោះការលើកលែងទោសលោក សម រង្ស៊ី
Cambodia News/
ភ្នំពេញ៖ មកដល់ថ្ងៃនេះដំណឹងវិលចូលមកប្រទេសកម្ពុជារបស់លោក សម រង្ស៊ីកាន់តែមានការចាប់អារម្មណ៍ខ្លាំងជាងមុន ហើយក៏មានយោបល់ផ្សេងគ្នាដែរអំពីការលើកលែងទោសដល់លោកសម រង្ស៊ី ដែរ។
ការយល់ឃើញរបស់បក្សសង្គ្រោះជាតិនៅលើបណ្ដាញផ្សេងៗថា រដ្ឋាភិបាលទទួលគំនាបពីបរទេសទើបអនុញាតអោយលោក សម រង្ស៊ី ចូលប្រទេសកម្ពុជាវិញមុនពេលបោះឆ្នោតអាណត្តិកាលទី៥ខាងមុខនេះ។
ប៉ុន្តែសម្រាប់មន្ត្រីរដ្ឋាភិបាល ការដោះលែងលោក សម រង្ស៊ី គឺជាសម្បទានមួយរបស់គណបក្សប្រជាជនកម្ពុជា ដោយមិនមែនជាការអន្តរាគមន៍ ឬអនុសាសន៍ណាមួយពីបរទេសឡើយ។
សម្រាប់ការត្រៀមស្វាគមន៍លោក សម រង្ស៊ី មេដឹកនាំគណបក្សប្រឆាំង ដែលគ្រោងនឹងវិលត្រឡប់មកប្រទេសកម្ពុជាវិញនៅថ្ងៃទី១៩ ខែកក្កដា ខាងមុខ នៅព្រឹកថ្ងៃទី១៤ខែកក្កដា ឆ្នាំ២០១៣ លោកយឹម សុវណ្ណ អ្នកនាំពាក្យគណបក្សសង្គ្រោះជាតិ បានថ្លែងនៅក្នុងពិធីជួបជុំក្រុមយុវជនគណបក្សសង្គ្រោះជាតិ និងសមាជិសមាជិកា នៅទីលានប្រជាធិបតេយ្យថា គណបក្សសង្គ្រោះជាតិគ្រោងរៀបចំសមាជិសមាជិកានិងអ្នកគាំទ្រសង្គ្រោះ ជាតិចំនួនជាង ៤ ម៉ឺននាក់ដើម្បីទៅទទួលលោកសម រង្ស៊ី៕
