កូរ៉េខាងត្បូង៤នាក់បានប្រាក់សំណងពីក្រុមហ៊ុនជប៉ុនក្នុងសំណុំរឿងពលកម្មដោយបង្ខំ
តុលាការមួយនៅប្រទេសខាងត្បូងបាន ចេញ សាលក្រមមួយដែលមិនធ្លាប់មាន ពីមុនមក បញ្ជាឲ្យក្រុមដែកថែបរបស់ជប៉ុន ផ្ដល់សំណងដល់ពលរដ្ឋកូរ៉េខាងខាងត្បូង៤នាក់ដែលបានរងការបង្ខំឲ្យ ធ្វើពល កម្មក្នុងអំឡុងពេលជប៉ុនធ្វើអាណានិគមប្រទេសកូរ៉េរយៈពេល៣៥ ឆ្នាំ។
តុលាការកំពូលនៅ ក្រុងសេអ៊ូល បានបញ្ជាឲ្យក្រុមហ៊ុន Nippon Steel & Sumitomo Metal Corp បង់ ប្រាក់ចំនួន៨ម៉ឺន៨ពាន់ដុល្លារដល់ដើមចោទនីមួយៗ។
តុលាការ នេះបានច្រានចោលការវែកញែកតវ៉ារបស់ក្រុមហ៊ុនដែកថែប Nippon ដែលថា ខ្លួនគឺជាស្ថាប័នខុសគ្នាពីក្រុមហ៊ុនដែកថែបក្នុងសម័យនោះ ដែលមានពលរដ្ឋកូរ៉េខាងត្បូងបម្រើការឲ្យ។
ក្នុងពេលកន្លងមក តុលាការមួយចំនួននៅប្រទេសជប៉ុន បានទាត់ចោលបណ្ដឹងនានាដែលទាមទារសំណងធ្វើឡើងដោយជនជាតិកូរ៉េខាង ត្បូងនិងចិន ដោយលើកហេតុផលថា បញ្ហាសងជំងឺចិត្តបានត្រូវបិទចោលហើយក្រោមកិច្ចព្រមព្រៀងឆ្នាំ ១៩៦៥រវាងប្រទេសទាំងនេះក្នុងគោលបំណងកសាងទំនាក់ទំនងធម្មតានឹងគ្នា ឡើងវិញ។
យ៉ាងណាមិញក្រុមហ៊ុន Nippon នៅតែសម្ដែងការមិនអស់ចិត្តនឹងសាលក្រមនេះហើយគ្រោងនឹងដាក់ពាក្យឧទ្ធរណ៍៕ (Radio Australia)
