សាលារាជធានីភ្នំពេញ អះអាងដោះស្រាយបញ្ហាអ្នកសហគមន៍បុរីកីឡាមុនការបោះឆ្នោត
Cambodia News
ភ្នំពេញ៖ កាលពីព្រឹកថ្ងៃទី០៣ ខែកក្កដាមន្រ្តីសាលារាជធានីភ្នំពេញបានអះអាងថា ខ្លួននឹងធ្វើការដោះស្រាយបញ្ហាដីធ្លីរបស់អ្នកសហគមន៍បុរីកីឡា ឲ្យបានរួចរាល់នៅមុនការបោះឆ្នោត ប្រសិនបើមានពេលគ្រប់គ្រាន់។
ប៉ុន្តែទោះជាយ៉ាងណាក៏ដោយ ចម្លើយនេះមិនបានធ្វើឲ្យអ្នកសហគមន៍បុរីកីឡាពេញចិត្តទេ។ ពួកគេទាមទារឲ្យលោក ប៉ា សុជាតិវង្ស ដែលទើបឡើងកាន់តំណែងជាអភិបាលរាជធានីភ្នំពេញថ្មី ពន្លឿនបញ្ហារបស់អ្នកសហគមន៍បុរីកីឡានេះ ព្រោះថា រដូវវស្សាបានមកដល់ហើយ ពួកគាត់កំពុងតែជួបការលំបាកដោយមិនមានផ្ទះសម្បែងត្រឹមត្រូវ។
គួរបញ្ជាក់ថា អ្នកសហគមន៍បុរីកីឡាបច្ចុប្បន្ននេះនៅសល់តែ១០៧គ្រួសារប៉ុណ្ណោះ ដែលកំពុងតែធ្វើការទាមទារសំណងពីក្រុមហ៊ុនផានអ៊ីម៉ិច ដែលបានបណ្តេញពួកគេចេញពីផ្ទះសម្បែងកាលពីដើមខែមករា ឆ្នាំ២០១២៕