ទឹកមានប្រយោជន៍ ចំពោះស្រ្តីមានផ្ទៃពោះ
Cambodia News
សុខភាព៖ សម្រាប់ស្ដ្រីមានផ្ទៃពោះ ប្រសិនបើអាចទទួលទានទឹកបានពី១លីត្រកន្លះទៅ២លីត្រក្នុងមួយថ្ងៃ អាចជួយឲ្យចៀសផុតពីរោគរលាកផ្លូវនោម ដែលស្ដ្រីមានផ្ទៃពោះភាគច្រើនតែងជួបប្រទះ។
ការជ្រើសរើសទឹកសម្រាប់ទទួលទាន វាសំខាន់ណាស់សម្រាប់ស្ដ្រីមានផ្ទៃពោះ ពីព្រោះថា ទឹកដាំ ឬទឹកម៉ាស៊ីន មានរសជាតិ និងគុណភាពខុសគ្នា ពីកន្លែងមួយទៅកន្លែងមួយទៀត។ ប្រសិនបើទឹកដែលត្រូវទទួលទាននោះ មានសារធាតុនីត្រាតច្រើនពេក ត្រូវបានហាមមិនឲ្យទទួលទានសម្រាប់ស្ដ្រីដែលពពោះ។
ស្ដ្រីមានផ្ទៃពោះគួរតែទទួលទានទឹកស្អាត ឬទឹកបរិសុទ្ធ ដែលគ្មានមេរោគ មានជាតិរ៉ែខនិជសមល្មម។ ទឹកដែលមានជាតិប្រៃ ឬផ្អែម អាចធ្វើឲ្យឃ្លានអាហារ និងទទួលទានបានច្រើន នឹងនាំឲ្យក្រពះរីកប៉ោងធំ ធ្វើឲ្យការទទួលទានកើនឡើងខ្លាំង៕ វត្តី
