តើលោក Kevin Rudd នឹងផ្លាស់ប្តូរគោលនយោបាយអ្វីខ្លះបន្ទាប់ពីលោកឡើងជានាយករដ្ឋមន្រ្តី អូស្រ្តាលី?
ខណៈពេលដែលលោក Kevin Rudd ត្រូវបានជ្រើសតាំងជានាយករដ្ឋមន្ត្រីអូស្ត្រាលីសាជាថ្មីទៀត នោះ មានសំណួរជាច្រើនជុំវិញ គោលនយោបាយនានា ដែលរដ្ឋាភិបាលលោកនឹងអាចធ្វើការផ្លាស់ប្តូរ។
គោលនយោបាយទំនាក់ទំនងការបរទេសមួយ ដែលទាក់ទាញចំណាប់អារម្មណ៍ពីមហាជនជាច្រើននោះ គឺគោលនយោបាយឆ្លើយតបទៅនឹងបញ្ហាជនសុំសិទ្ធិជ្រកកោននៅអូស្ត្រាលី។
យ៉ាងណាមិញ ជំនួយអន្តរជាតិត្រូវបានគេរំពឹងថានឹងមានការកែប្រែតិចតួចបំផុត។ នេះដោយសារតែ ចំណូលរដ្ឋាភិបាលមានការធ្លាក់ចុះយ៉ាងខ្លាំងក្នុង ឆ្នាំនេះ។ ប្រទេសអូស្ត្រាលីបានសម្រេចពន្យារពេលក្នុងការបង្កើនជំនួយបរទេស របស់ខ្លួន ដែលការសម្រេចនេះ បានប៉ះពាល់យ៉ាងខ្លាំងលើបញ្ហាជំនួយដល់បណ្តាប្រទេសក្នុងតំបន់ អាស៊ីប៉ាស៊ីហ្វិកច ។
លោក Peter Baxter អគ្គនាយកគម្រោងភ្នាក់ងារជំនួយអូស្រ្តាលីបានមានប្រសាសន៍ថា អូស្ត្រាលីនឹងនៅតែបន្តបង្កើនជំនួយអន្តរជាតិ ប៉ុន្តែក្នុងកម្រិតទាប។
មានការរំពឹងថា នឹងអាចមានកំណែទម្រង់លើគោលនយោបាយបម្រែបម្រួលអាកាសធាតុ នៅក្រោមការដឹកនាំរបស់លោកនាយករដ្ឋមន្ត្រី Kevin Rudd ៕(Radio Australia)
