ឧទ្ធម្ភាគចក្រមួយគ្រឿងនៅឥណ្ឌាធ្លាក់ពេលជួយសង្រ្គោះជនរងគ្រោះ
ឧទ្ធម្ភាគចក្រមួយគ្រឿងដែលគេប្រើ ដើម្បី កិច្ចការជួយសង្រ្គោះជនរង គ្រោះនៅប៉ែកខាងជើងប្រទេសឥណ្ឌាបានធ្លាក់ ធ្វើឲ្យមនុស្ស៨នាក់ក្នុងយន្ដហោះនោះស្លាប់។
ឧទ្ធម្ភាគចក្រនេះ កំពុងតែធ្វើបេសកកម្មផ្នែកវេជ្ជសាស្រ្ដនៅក្បែរតំបន់ Gaurikund ដែលបណ្ដាជនបានធ្វើព្យុហយាត្រា។
នៅ ក្នុងប្រតិបត្ដិការជួយសង្រ្គោះដ៏ធំនេះ មានឧទ្ធម្ភាគចក្រប្រមាណ៦០គ្រឿងបានធ្វើការហោះហើរនៅក្នុងរដ្ឋ Uttarakhand នៃតំបន់ជួរភ្នំហិមពាន្ដជាទីដែលមនុស្សជាង១ពាន់នាក់បានស្លាប់ ដោយសារគ្រោះទឹកជំនន់ និងដីបាក់ ហើយប្រមាណ៦ពាន់នាក់ទៀតកំពុងនៅជាប់តែលតោលនៅឡើយ។
មន្រ្ដី ឥណ្ឌាក៏បានឲ្យដឹងដែរថា អាជ្ញាធរកំពុងតែប្រើយន្ដហោះគ្មានមនុស្សបើកដើម្បីហោះពីលើទៅមើល នៅតំបន់ព្រៃក្រាស់តាមដានរកមនុស្សដែលកំពុងរង់ចាំការជួយ សង្រ្គោះ។
នៅក្នុងខណៈពេលដែលអាកាសធាតុមិនល្អកំពុងតែបន្ដ រាំងស្ទះដល់ប្រតិបត្ដិការសង្រ្គោះ អាជ្ញាធរក៏កំពុងប្រឹងប្រែងយ៉ាងសកម្មក្នុងការទប់ស្កាត់ការឆ្លង រាលដាលនៃជំងឺឆ្លងពីសាកសពមនុស្សរាប់រយនាក់ដែលគេមិនទាន់អាច ស្រង់បាន៕ (Radio Australia)