រថភ្លើង បុករថយន្តដឹកអ្នកដំណើរ របួសធ្ងន់ស្រាល ១៦នាក់
Cambodia News
កណ្តាល៖ កាលពីម៉ោង ៧ និង១៩នាទីល្ងាចថ្ងៃទី១៥ ខែមិថុនា គ្រោះថ្នាក់ចរាចរដ៏រន្ធត់ លើកំណាត់ផ្លូវជាតិលេខ៣ រវាងរថភ្លើងបុកនិងរថយន្តតួរីស ផ្លូវ នៅភូមិព្រៃទទឹង ឃុំត្រពាំង ស្រុកកណ្តាលស្ទឹង ខេត្តកណ្តាល បណ្តាលឲ្យអ្នកដំណើរ ១៦នាក់ រងរបួស ក្នុងនោះ ៥នាក់រងរបួសធ្ងន់។
សមត្ថកិច្ចក៏បានឲ្យដឹងផងដែរថា នៅវេលាម៉ោងកើតហេតុ ខាងលើរថយន្ត តួរីសដឹកអ្នកដំណើរ ពាក់ស្លាកលេខ ភ្នំពេញ 2Q-5303 បានដឹកអ្នកដំណើរចេញ ពីរាជធានីភ្នំពេញ។ លុះដល់ចំណុចកើតហេតុ កន្លែងឆ្លងកាត់ផ្លូវរថភ្លើង ក៏ត្រូវរថភ្លើងដែលកំពុងធ្វើដំណើរ ទៅខេត្តព្រះសីហនុ បុករថយន្តចំពាក់កណ្តាល អូសរហូតដល់ ៥-៦ម៉ែត្រ បណ្តាលឲ្យដួលសន្លប់រដូករណែលពេញផ្លូវ។
ក្រោយកើតហេតុភ្លាមៗ ជនរងគ្រោះទាំងអស់ ត្រូវបានរថយន្តសង្រ្គោះជាច្រើនគ្រឿង បានទៅដឹកយកមកសង្រ្គោះ ភ្លាមៗ តាមមន្ទីរពេទ្យនានា ក្នុងរាជធានីភ្នំពេញផងដែរ។ តែរហូតដល់ព្រឹកថ្ងៃទី១៦ ខែមិថុនា ឆ្នាំ២០១៣ មិនទាន់ មានរបាយការណ៍ថា មានជនរងគ្រោះណាម្នាក់ ទទួលគ្រោះថ្នាក់ដល់អាយុជីវិតនោះទេ៕
