បើកម៉ូតូ គេចពីរថយន្ត ជ្រុលទៅ រនាំងដែកពុះចែក ផ្លូវរបួសធ្ងន់
Cambodia News
ហេង នាង
ភ្នំពេញ៖ កាលពីវេលាម៉ោង៩និងនាទីយប់ថ្ងៃទី១៤ ខែមិថុនា បុរសម្នាក់រង របួសសន្លប់ស្តូកស្តឹង នៅនឹងកន្លែង ដោយសារតែបើក ម៉ូតូលឿន វ៉ារថយន្តមួយ ក៏វ៉ាក់នឹង រថយន្តមួយ គ្រឿងទៀត ដែលបើកឆ្លង ហើយជនរងគ្រោះ បានព្យាយាមបើកគេច ក៏ជ្រុលទៅ បុក រនាំពុះចែកទ្រូងផ្លូវសហព័ន្ធរុស្សី ទល់មុខរាជបណ្ឌិតសភាកម្ពុជា ត្រង់ ភូមិប៉ប៉្រកខាងជើង សង្កាត់កាកាប ខណ្ឌពោធិ៍សែនជ័យ បណ្តាល ឲ្យរងរបួសធ្ងន់ ។
នគរបាលមូលដ្ឋាន បាននិយាយថា ជនរងគ្រោះពុំត្រូវបាន គេស្គាល់ឈ្មោះនោះទេ ប៉ុន្តែជនរងគ្រោះស្លៀកពាក់ឯក សណ្ឋាន ជានគរបាល មានប៉ាក់ឈ្មោះ នៅជាប់លើអាវ អ-គាថៃ ដែលមាន អត្តលេខ ៣០ ៨០០ អាយុ ប្រហែល៤០ឆ្នាំជាង ជិះម៉ូតូមួយគ្រឿងម៉ាកសង់ កូរ៉េពណ៌ក្រហម ពាក់ស្លាកលេខរ-1141 ភព1 រងរបួសធ្ងន់។
នគរបាលបានបន្តថា មុនពេកើតហេតុជនរងគ្រោះ ជិះម៉ូតូមួយគ្រឿងម្នាក់ ឯងក្នុងទិសដៅពីលិច ទៅកើតក្នុងល្បឿនលឿនលុះដល់ចំណុចកើត ហេតុបានបើ វ៉ារថយន្តមួយគ្រឿង ដែលបើកពីមុខ របស់គេខណៈឡើង វ៉ានោះ ក៏បានវ៉ាក់ជាមួយគ្រឿង ទៀត ដែលបើកឆ្លងផ្លូវធ្វើឲ្យបុរសនោះ ព្យាយាមបើកគេច ក៏ជ្រុលទៅបុក ក្បាលរបាំង ពុះចែក ទ្រូវផ្លូវដួលសន្លប់ស្តូកស្តឹងនៅនឹងកន្លែង ត្រូវបានរថយន្តសង្គ្រោះ របស់មន្ទីរពេទ្យពោធិ៍ចិនតុង ដឹកយក ទៅកាន់មន្ទីរពេទ្យព្រះកុសមៈ ដើម្បីជួយសង្គ្រោះអាយុជីវិតបន្ទាន់ ។ចំណែកឯម៉ូតូត្រូវនគរបាល យកទៅរក្សា ទុកនៅ ចរាចរនិងសណ្តាប់ធ្នាប់ខណ្ឌ ដើម្បីដោះស្រាយគ្នាទៅតាមផ្លូវច្បាប់ ៕
