អាងខ្លួនជាប៉ូលិសវាយយុវជនម្នាក់បែកក្បាលព្រោះជិះម៉ូតូ អត់ពាក់មួកសុវត្ថិភាព
Cambodia News
ភ្នំពេញ ៖ កាលពីវេលាម៉ោង១១និង៥នាទី ថ្ងៃទី១៣ ខែ មិថុនា ន្ដ្រីនគរបាលចរាចរដែលមានបំពាក់ កាមេរ៉ានៅលើមួកសុវត្ថិភាព បានវាយ ទៅលើយុវជនម្នាក់បណ្ដាលឱ្យបែកក្បាល ដោយគ្រាន់តែយុវជននោះ មិនពាក់មួក សុវត្ថិភាពពេលបើកបរម៉ូតូ តាមបណ្ដោយផ្លូវ ព្រះស៊ីសុវត្ថិ មុខក្រុមប្រឹក្សាអភិវឌ្ឍកម្ពុជា CDC សង្កាត់វត្ដភ្នំ ខណ្ឌដូនពេញ ។
យុវជនរងគ្រោះឈ្មោះ សុវណ្ណ លក្ខិណា អាយុ២២ឆ្នាំ ជានិស្សិតសាកលវិទ្យាល័យ រស់នៅភូមិគ្រួស សង្កាត់សំរោង ខណ្ឌ សែនសុខបានឱ្យដឹងថា “មុនកើតហេតុ ខ្លួនបានចេញពីរៀនហើយជិះម៉ូតូសេ១២៥ ពណ៌ខ្មៅ ពាក់ស្លាកលេខភ្នំពេញ 1BA-2528 ម្នាក់ឯង តាមផ្លូវព្រះស៊ីសុវត្ថិ ខណៈមកដល់រង្វង់មូលដើមពោធិ៍ខ្លួន បានឈប់ម៉ូតូរកកន្លែងបត់ជើងតូច ហើយបានបើកម៉ូតូចេញទៅវិញដោយមិនបានពាក់ពួកសុវត្ថិភាពទេ ភ្លាម នោះក៏មានប៉ូលិសចរាចរពីនាក់ជិះម៉ូតូមកឃាត់ម៉ូតូរបស់ខ្ញុំ ហើយបានយក អាយកូមវាយក្បាលខ្ញុំតែម្ដង ។ ក្រោយ ពីវាយក្បាលគេរួចហើយនគរបាលចរាចរនេះបានគេចខ្លួនបាត់ ។
បើតាមនគរបាលម្នាក់ឈ្មោះ សរ យ៉ា ជាប្រធានក្រុមគោលដៅឆែកឆេរ បទល្មើសចរាចរបានឱ្យដឹងថា ខាង នគរបាលរបស់គាត់មិនបានវាយក្បាល គេទេ គឺជនរងគ្រោះរូបនេះបានបើកម៉ូតូ គេចពីសមត្ថកិច្ចឃាត់ម៉ូតូ ហើយបើក រត់ទៅប៉ះក្បាលនឹងអាយកូមទើបបែក ក្បាលបែបនេះ ។
ក្រោយពីកើតមានបញ្ហាបែបនេះជន រងគ្រោះបានទៅដាក់ពាក់បណ្ដឹងនៅប៉ុស្ដិ៍នគរបាលស្រះចក ឱ្យជួយរកយុត្ដិធម៌ និងស្វែងរកជនបង្កដែលវាយខ្លួនមក ដាក់ទោសតាមច្បាប់ ដែលនគរបាល ចរាចរវាយប្រជាជនតាមផ្លូវបែបនេះ ។
នៅលើបណ្ដាញទំនាក់ទំនងសង្គមហ្វេ ស ប៊ុក បានរិះគន់ទង្វើមន្ដ្រីនគរបាលចរាចរ ទាំងនោះថា ឃើញមនុស្សជិះម៉ូតូអត់ ពាក់មួក ដូចឃើញសាច់ជ្រូក៣ជាន់ ប្រាថ្នាលេបត្របាក់ទាំងរស់ ។ នៅក្នុង ហ្វេសប៊ុកគេនិយាយថា “ពួកនេះ(នគរ បាលចរាចរ)ធ្វើឱ្យប្រជាពលរដ្ឋក្ដៅ ក្រហាយខ្លាំងណាស់រាល់ថ្ងៃ , ពួកគេគាប ស៊ីទាំងថ្ងៃ, បើប៉ះចំអ្នកមកពីស្រែ ទីជន បទ ជួនកាលបាន១០ម៉ឺនរៀលក្នុងម៉ូតូ១ គ្រឿង ”៕
