ពិភពលោកមានសន្ធិសញ្ញាថ្មីផ្នែកការគ្រប់គ្រងការជួញដូរអាវុធគ្រប់ប្រភេទ
ប្រទេសចំនួនជាង៦០ បានចុះហត្ថលេខាលើសន្ធិសញ្ញាជាប្រវត្តិសាស្រ្តមួយស្ដីអំពីការជួញដូរអាវុធ។
នេះ គឺជាសន្ធិសញ្ញាដំបូងបំផុតក្នុងពេលជាង១០ឆ្នាំ កន្លងទៅនេះ ដែលមានសុពលភាពចំពោះអាវុធគ្រប់ប្រភេទ។ សន្ធិសញ្ញានេះបានកើតមានឡើងក្រោមការសម្របសម្រួលរបស់អង្គការសហ ប្រជាជាតិ។
ប្រទេសអូស្រ្តាលីជាប្រទេសហត្ថលេខីមួយដែលបាន ចុះលេខាមុនគេ ប៉ុន្តែសហរដ្ឋអាម៉េរិក, ចិននិងរុស្ស៊ី មិនទាន់បានចុះហត្ថលេខានៅឡើយទេ។
សាខារបស់អង្គការ Oxfam នៅអូស្រ្តាលីនិយាយថា ការដែលពិភពលោកមានសន្ធិសញ្ញានេះគឺជាជំហានដ៏សំខាន់មួយក្នុងការ កាត់បន្ថយបញ្ហា ដោយសារមានមនុស្ស៥សែននាក់ស្លាប់រៀងរាល់ឆ្នាំពីអំពើហិង្សា ប្រើប្រាស់អាវុធ។
អគ្គលេខាធិការនៃអង្គការសហប្រជាជាតិ លោក បាន គីមូន មានប្រសាសន៍ថា សន្ធិសញ្ញានេះនឹងធ្វើឲ្យមានការលំបាកដល់ឈ្មួញសង្គ្រាម ក្រុមចោរសមុទ្រ និងភេរវករក្នុងការទទួលបាននូវគ្រឿងអាវុធ៕(Radio Australia)
