កម្ពុជា និងសិង្ហបុរីជំរុញឲ្យមានដំណោះស្រាយបញ្ហាជម្លោះសមុទ្រចិនខាងត្បូង
នៅថ្ងៃទី ១៨ មេសា ២០១២ ក្រោយពីជំនួបជាមួយលោក ទៀ បាញ់ រដ្ឋមន្រ្តីក្រសួងការពារជាតិកម្ពុជា លោក អេង ហិនអ៊ឹង រដ្ឋមន្រ្តីក្រសួងការពារជាតិសិង្ហបុរី បាននិយាយប្រាប់អ្នកកាសែតថា ទាំងកម្ពុជា និងសិង្ហបុរីសុទ្ធតែបានបង្ហាញជំហររួមគ្នាក្នុងការដោះ ស្រាយដោយសន្តិវិធីនៅជម្លោះដែនសមុទ្រចិនខាងត្បួងរវាងប្រទេស ចិននិងប្រទេស៤ ដែលជាសមាជិកអាស៊ាន។
កិច្ចប្រជុំកំពូល អាស៊ានលើកទី២០ ដែលកម្ពុជាធ្វើជាម្ចាស់ផ្ទះ ក៏បានជំរុញឱ្យមានដំណោះស្រាយដោយសន្តិវិធីផងដែរ តាមយន្តការដែលមានស្រាប់នៅក្នុងក្រមប្រតបត្តិ (Code of Conducts) និង និងសេចក្តីប្រកាសប្រតិបត្តិ(Declaration of Conduct)។
ប្រទេស ដែលមានជម្លោះជាមួយចិន នៅក្នុងដែនសមុទ្រខាងត្បូងរួមមានប្រទេសវៀតណាម ប្រ៊ុយណេ ម៉ាឡេស៊ី និង ហ្វីលីពីន។ នៅគ្រានេះដែរ ហ្វីលីពីន ក៏បានចាប់ផ្តើមធ្វើសមយុទ្ធយោធារួមគ្នារយៈពេល១២ថ្ងៃជាមួយនិង អាមេរិក៕