ព្រះអង្គម្ចាស់ ធម្មិកោ លាលែង ពីលេខាផ្ទាល់ សម្ដេចម៉ែ
Cambodia News
ភ្នំពេញ៖ កាលពីរសៀលថ្ងៃទី២៥ ខែឧសភា ឆ្នាំ២០១៣ ព្រះអង្គម្ចាស់ ស៊ីសុវត្ថិ ធម្មិកោ បានសម្រេចព្រះទ័យលាលែង ពីតួនាទីជាព្រះរាជលេខាផ្ទាល់របស់ សម្ដេចម៉ែហើយ ដើម្បីចូលធ្វើនយោបាយពេញលេញនៅក្នុងគណបក្សសង្គ្រោះជាតិ។
ព្រះអង្គម្ចាស់ ស៊ីសុវត្ថិ ធម្មិកោ បានមានបន្ទូលថា ព្រះអង្គបានរៀបចំលិខិតលាលែងពីតួនាទីជាព្រះរាជលេខាផ្ទាល់របស់ សម្តេចម៉ែ ហើយលិខិតនេះនឹងត្រូវផ្ញើទៅព្រះមហាក្សត្រ ព្រះបាទព្រះបរមនាថ នរោត្តម សីហមុនីក្នុងពេលឆាប់ៗនេះ។
ព្រះអង្គម្ចាស់ ធម្មិកោ បានមានបន្ទូលបព្ជាក់ថា មូលហេតុនៃការលាលែងពីតួនាទីជាលេខាផ្តាល់សម្តេចម៉ែ ថា ដោយសារតែព្រះអង្គមិនចង់ឲ្យស្ថាប័នព្រះមហាក្សត្រ និងមិនចង់ឲ្យគេអូសទាញស្ថាប័នព្រះមហាក្សត្រ ឬមួយសម្តេចព្រះមហាក្សត្រីចូលមកក្នុងឆាកនយោបាយ៕