អគ្គិភ័យកំពុងឆាបឆេះផ្ទះប្រជាពលរដ្ឋមួយកន្លែងនៅខណ្ឌទួលគោក
ហេង នាង
Cambodia News
ភ្នំពេញ៖ កាលពីវេលាម៉ោង ៧នឹង២០នាទីព្រឹក ថ្ងៃទី២៣ ខែឧសភានេះ លំនៅឋានប្រជាពលរដ្ឋមួយកន្លែង ដែលមានទីតាំងស្ថិតនៅក្បែរសាលាបឋមសិក្សាទួលគោក ក្នុងភូមិសាស្ត្រខណ្ឌទួលគោក ត្រូវបានអគ្គិភ័យកំពុងឆាបឆេះយ៉ាងសន្ធៅសន្ធៅ។
ប្រភពព័ត៌មាន ដែលបណ្តាលឲ្យមានការឆាបឆេះនេះឡើងនៅមិនទាន់ដឹកនៅឡើយ ទេ ប៉ុន្តែនៅកន្លែងកើតហេតុ គេបានសង្កេតឃើញ សមត្ថកិច្ចនិងក្រុមពន្លត់អគ្គិភ័យ នៃស្នងការដ្ឋាននគរបាលរាជធានីភ្នំពេញ កំពុងបញ្ជាឡានទឹកអន្តរាគមន៍បាញ់ពន្លត់អណ្តាតភ្លើង ដើម្បីកុំឲ្យរាលដាលដល់លំនៅឋានប្រជាពលរដ្ឋដែលរស់នៅក្បែរ កន្លែងកើតហេតុ។
ចំពោះការឆាបឆេះខាងលើនេះ សមត្ថកិច្ចនៅមិនទាន់អាចសន្និដ្ឋានពីទំហំនៃការខូចខាតនៅឡើយទេ ហើយក្នុងហេតុការណ៍នេះផងដែរ សមត្ថកិច្ចក៏នៅមិនទាន់ដឹងថា មានអ្នករបួសប៉ុន្មាននាក់ដែរ ដោយសារទិដ្ឋភាពជាក់ស្តែងនៅកន្លែងកើតហេតុ កំពុងត្រូវបានអន្តរាគមន៍ជាបន្ទាន់៕
