គយអាល្លឺម៉ង់រឹបអូសសត្វស្វាពីតារាចម្រៀង Justin Bieber
សត្វស្វាចិញ្ចឹមមួយក្បាលរបស់តារាច ម្រៀងជនជាតិកាណាដាវ័យក្មេងម្នាក់ ដែលមានការល្បីឈ្មោះខ្លាំងនោះ ត្រូវមន្រ្តីគយទីក្រុង Munich ក្នុងប្រទេសអាល្លឺម៉ង់ រឹបអូសយកដោយសារតែតារាចម្រៀងរូបនេះ មិនមានប្រកាសក្នុងឯកសារឲ្យមន្រ្តីគយដឹងអំពីការនាំសត្វស្វាមក តាមខ្លួន។
មន្រ្តីនាំពាក្យរបស់អង្គការសង្គ្រោះ សត្វនិយាយថាតារា ចម្រៀង យុជន Justin Bieber មិនបានប្រឹងប្រែងទាមទារយកសត្វស្វាចិញ្ចឹម ឈ្មោះ “Mally” នោះវិញទេនៅក្រោយពេលមន្រ្តីគយរឹបអូសក្នុងអំឡុងពេលដំណើរប្រគំ តន្រ្តីទេសចរណ៍របស់ខ្លួន។
អ្នកនាំពាក្យដដែលនិយាយថា សត្វស្វាចិញ្ចឹមនេះឥឡូវក្លាយជាសម្បត្តិរបស់ប្រទេសអាល្លឺម៉ង់ ហើយបច្ចុប្បន្នត្រូវបានបញ្ជូនទៅជម្រកថ្មីជាមួយសត្វស្វាដទៃៗ ទៀត៕ (Radio Australia)