គណបក្សសង្គ្រោះជាតិ នៅមានពេល៥ថ្ងៃទៀត
Cambodia News
ភ្នំពេញ៖ កាលពីល្ងាចថ្ងៃទី១៣ ខែឧសភា ឆ្នាំ២០១៣ គណកម្មាធិការជាតិរៀបចំការបោះឆ្នោត (គ.ជ.ប) បានអោយដឹងថា គណបក្សសង្រ្គោះជាតិនៅមានពេល៥ថ្ងៃទៀត គឺពីថ្ងៃទី១៤ ដល់ថ្ងៃទី១៩ ខែឧសភា នេះ ដើម្បីកែតម្រូវឈ្មោះ និងថ្ងៃខែឆ្នាំកំណើត ដែលខុស ។
លោកទេព នីថា អគ្គលេខាធិការនៃ គ.ជ.ប បានថ្លែងនៅក្នុងសន្និសីទសារព័ត៌មានថា ប្រសិនបើខកខានមិនបានបំពេញបែបបទ ដើម្បីដាក់ជូន គ.ជ.ប ទាន់ពេលវេលាទេ គណបក្សសង្រ្គោះជាតិ អាចនឹងបាត់បង់សិទ្ធិប្រកួតប្រជែងនៅក្នុងការបោះឆ្នោតអាណត្តិទី ៥នាថ្ងៃទី២៨ ខែកក្កដា ខាងមុខនេះ ។
យោងតាមលោក ទេព នីថា មានបេក្ខជនតំណាងរាស្ត្រចំនួនជាង២០ រូប របស់គណបក្សសង្រ្គោះជាតិ ដែលមានលិខិតស្នាមរដ្ឋបាលផ្ទាល់ខ្លួនមិនច្បាស់លាស់ ហើយតម្រូវអោយមានការកែសម្រួល ៕