ខណៈធ្លាក់ភ្លៀងស្ត្រីម្នាក់ទៅងូតទឹកលើទូកត្រូវរន្ទះបាញ់សម្លាប់
Cambodia News
ពោធិ៍សាត់ ៖ កាលពីវេលាម៉ោង៥និង៥០ នាទីល្ងាចថ្ងៃទី៨ ខែឧសភា ឆ្នាំ២០១៣ ស្ត្រីម្នាក់ត្រូវបានរន្ទះ បាញ់ទម្លាក់ទឹកស្លាប់ ខណៈពេលធ្លាក់ភ្លៀងតិចៗទៅងូតទឹកលើក្បាលទូក ស្ថិតត្រង់ចំណុចធ្មេញជន្លៀ ក្នុងភូមិអូរតាប្រុក ឃុំអូរតាសណ្ដាន់ ស្រុកក្រគរ ខេត្តពោធិ៍សាត់។
ជនរងគ្រោះដែលត្រូវរន្ទះបាញ់សម្លាប់នោះឈ្មោះ ញ៉ែម ចេង អាយុ៥១ឆ្នាំ មានទីលំនៅភូមិប្រត្រៀម ឃុំអូរសណ្ដាន់ ស្រុកក្រគរ ខេត្តពោធិ៍សាត់ មានមុខរបរជាអ្នកនេសាទ។
បើតាមប្រជាពលរដ្ឋបានឃើញហេតុការណ៍នោះនិយាយថា នៅមុនពេលកើតហេតុគឺផ្ទៃមេឃចាប់ផ្ដើមងងឹតស្លុប ហើយក៏មានភ្លៀងធ្លាក់រលឹមស្រិចៗ ស្ត្រីរងគ្រោះក៏បានដើរទៅងូតទឹកដោយអង្គុយលើក្បាលទូក រំពេចនោះផ្លេកបន្ទោរក៏ចោលពន្លឺភ្លឺយ៉ាងរន្ទាល រន្ទះក៏បាញ់ចំកញ្ចឹង.កស្ត្រីនោះ បណ្ដាលឲ្យធ្លាក់ពីលើទូកចូលទឹកផ្កាប់មុខស្លាប់តែម្ដង៕
