ចូលស្តីដណ្ដឹងមិនបានគប់គ្រាប់បែកចូលផ្ទះប៉នប៉ងសម្លាប់មួយគ្រួសារ
Cambodia News
ឧត្តរមានជ័យ ៖ បុរសម្នាក់បានចូលទៅក្នុងផ្ទះស្រីដែលខ្លួនស្រឡាញ់គប់គ្រាប់បែក ចូលទៅក្នុងបន្ទប់ប៉នប៉ងសម្លាប់ទាំងគ្រួសារ ក៏ប៉ុន្តែមិនមានគ្រោះថ្នាក់ដល់អាយុជីវិតនណាម្នាក់នោះទេ ទីបំផុតស្រីដែលខ្លួនស្រឡាញ់បានរងគ្រោះខ្លាំងដោយសន្លប់ត្រូវបាន បញ្ជូនទៅមន្ទីរភ្លាមៗ
ហេតុការណ៍នេះ កើតឡើងនៅវេលាម៉ោង ៧ និង៤០ នាព្រឹកថ្ងៃទី០៦ ខែឧសភា ឆ្នាំ ២០១៣ នៅក្នុងផ្ទះរបស់លោក ខឹម បូខាន់ ជាម្ចាស់ផ្សាររង្វង់មូលអន្លង់វែងនៅជាប់ក្បែរផ្សារទប់មុខអធិការ ដ្ឋាននគរបាលស្រុកអន្លង់វែង ដែលស្ថិតនៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
បើតាមការរៀបរាប់ពីប្រជាពលរដ្ឋរស់ នៅក្បែរផ្ទះនារីរងគ្រោះបាននិយាយថា ជនដៃដល់ឈ្មោះ សុខ ជា ហៅវិននេះ បានស្រឡាញ់នារីរងគ្រោះជាច្រើនឆ្នាំមកហើយ មិនតែប៉ុណ្ណោះព្រមទាំងឱ្យម្ដាយឪពុកចូលស្តីចំនួន ពីរ ទៅបីលើកមកហើយ តែដោយសារឪពុកម្ដាយខាងស្រី គឺលោក ខឹម ប៉ូខាន់ មិនព្រមលើកកូនក្រមុំឱ្យ ទើបជនដៃដល់ខាងលើបានខឹងមានគំនុំឈានដល់គប់គ្រាប់បែកចូលក្នុង បន្ទប់ប៉នប៉ងធ្វើឃាតនារីឈ្មោះ ខឹម បញ្ញា ដែលជាជនរងគ្រោះ។
ក្រោយពី ហេតុការណ៍កម្លាំងអធិការដ្ឋាននគរបាលស្រុកអន្លង់វែង និងកម្លាំងកងរាជអាវុធហត្ថស្រុកអន្លង់វែង ក៏បានចុះទៅដល់ទីតាំងកើតហេតុភ្លាមៗ ដើម្បីត្រួតពិនិត្យ និងដាក់កម្លាំងពួកស្ទាក់នៅគ្រប់ច្រកល្ហកតាមចាប់ជនដៃដល់ដែល បំផ្ទុះក្នុងហេតុនេះ។
លុះមកដល់វេលាម៉ោង ៩និង៤៥នាទី កម្លាំងកងរាជអាវុធហត្ថស្រុកអន្លង់វែងដឹកដោយលោកវរសេនីយ៍ត្រី ងួន ទ្ធីរិទ្ធ ជាមេបញ្ជាការបានឃាតខ្លួនជនសង្ស័យនៅចំណុចក្នុងព្រៃភូមិឃុំកើត ហេតុខាងលើ នាំយកមកស្នាក់កងរាជអាវុធហត្ថធ្វើកំណត់ហេតុបញ្ជូនទៅតុលាការ ខេត្តឧត្តរមានជ័យ៕
