គោលនយោបាយការពារជាតិអូស្ត្រាលីបានកំណត់ពីការរីកចម្រើននៃប្រជាជាតិនៅក្នុងតំបន់
គោលនយោបាយ ការពារជាតិអូស្ត្រាលីបានកំណត់ពីការរីកចម្រើននៃប្រជាជាតិនៅ ក្នុងតំបន់ដែលរួមមាន ប្រទេសឥណ្ឌា និងឥណ្ឌូណេស៊ី ក៏ដូចជា ការបង្កើនការយកចិត្តទុកដាក់របស់សហរដ្ឋអាម៉េរិកមកក្នុងតំបន់ នេះ។
លោក Stephen Smith រដ្ឋមន្ត្រីការពារជាតិអូស្ត្រាលីមានប្រសាសន៍ថា ទំនាក់ទំនងជាមួយនឹងប្រទេសចិន និងសហរដ្ឋអាម៉េរិក គឺមានសារសំខាន់។
លោកមានប្រសាសន៍ថា ទំនាក់ទំនងនេះគឺមានសារសំខាន់ចំពោះស្ថិរភាព, សន្តិសុខ, សន្ដិភាព និងការរីកចម្រើននៅក្នុងពិភពលោក។ លោកស្វាគមន៍ចំពោះកិច្ចខិតខំប្រឹងប្រែងនៃប្រទេសចិន និងសហរដ្ឋអាម៉េរិកក្នុងការធ្វើឲ្យមានផ្លែផ្កាល្អនូវទំនាក់ទំនង ចំពោះ សមិទ្ធិផលខាងយោធា, យុទ្ធសាស្ត្រ, នយោបាយ និងសេដ្ឋកិច្ច៕ (Radio Australia)
