អ្នកវិទ្យាសាស្ត្រអូស្ត្រាលីគ្រោងសាកល្បងវ៉ាក់សាំងគ្រុនចាញ់ទៅលើមនុស្ស
ការសាកល្បងថ្នាំវ៉ាក់សាំងគ្រុន ចាញ់ទៅ លើមនុស្សនឹងចាប់ផ្តើមធ្វើឡើងនៅឆ្នាំក្រោយនេះដោយប្រើប្រាស់ ថ្នាំវ៉ាក់សាំងដែលអ្នកស្រាវជ្រាវអូស្ត្រាលីជឿជាក់ថានឹងអាច ប្រឆាំងទៅលើជំងឺគ្រុនចាញ់គ្រប់ប្រភេទ។
អ្នកវិទ្យា សាស្រ្តមកពីវិទ្យាស្ថាន Walter និង Eliza នាទីក្រុងម៉ែលប៊ិន និងវិទ្យាស្ថានស្រាវជ្រាវវេជ្ជសាស្រ្ត Queensland បានធ្វើការផ្លាស់ប្តូរមេរោគគ្រុនចាញ់មួយប្រភេទ ដើម្បីរៀបចំធ្វើជាថ្នាំវ៉ាក់សាំងដែលវ៉ាក់សាំងនេះមានគោលដៅ សម្លាប់មេរោគនេះនៅពេលវាចាប់ផ្តើមឆ្លងចូលក្នុងឈាម។
បើតាម អង្គការសុខភាពពិភពលោកបានប៉ាន់ស្មានថាជំងឺគ្រុនចាញ់បាន សម្លាប់មនុស្សប្រមាណ ៧សែននាក់ក្នុងមួយឆ្នាំ។ ប៉ុន្តែអ្នកដឹកនាំក្រុមស្រាវជ្រាវលោកសាស្រ្តាចារ្យ Louis Schofield ជឿជាក់ថាជំងឺនេះនឹងត្រូវលុបបំបាត់នៅថ្ងៃណាមួយ៕ (Radio Australia)
