យុវតីម្នាក់ ថតរាំបង្ហាញរាងនៅក្នុងបន្ទប់រៀនបង្ហោះលើហ្វេសប៊ុក
Cambodia News
ភ្នំពេញ ៖ នាថ្ងៃទី២៦ ខែមេសា ឆ្នាំ ២០១៣នេះ យុវតីម្នាក់ត្រូវបានគេប្រទះឃើញ ថតរាំបង្ហាញរាងញាក់ទទ្រើក នៅក្នុងបន្ទប់ ថ្នាក់រៀន ហើយរូបថតវីដេអូនេះ ត្រូវបានគេប្រទះឃើញ បង្ហោះនៅលើ ប្រព័ន្ធទំនាក់ទំនងសង្គម (ហ្វេសប៊ុក) នៅក្នុងឈ្មោះ Pich Sloy ssw zin តាមការពិនិត្យនៃការ បង្ហោះរូបភាពវីដេអូនេះ គឺធ្វើឡើងតាំងពីថ្ងៃទី២៧ ខែមីនា ឆ្នាំ ២០១៣ កន្លងមកម្ល៉េះ ។
នៅក្នុងរូបភាពវីដេអូ ដែលមានរយៈ ពេល ១.៣៩នាទី បង្ហាញឱ្យឃើញពីយុវតី ម្នាក់ ក្នុងសម្លៀកបំពាក់ជាសិស្សសាលា អាវពណ៌ស សំពត់ពណ៌ខៀវ រាំកាច់រាង គ្រវីចង្កេះ នៅក្នុងបន្ទប់ថ្នាក់រៀន ដោយ មានមិត្ដភ័ក្ដិរបស់ខ្លួន ជាអ្នកថតរូបឱ្យ ។
ក្រោយពីបង្ហោះរូបវីដេអូរាំ កាច់រាង ញាក់ទទ្រើកគ្រវីចង្កេះចុះឡើង ខាងលើនេះរួច ត្រូវបានអ្នកដែលនិយម លេងហ្វេសប៊ុក នាំគ្នាចែករំលែក (Share) ពី មួយទៅមួយ អមដោយមតិរិះគន់ជាច្រើន ចំពោះ សកម្មភាពរាំបង្ហាញក្នុងហ្វេសប៊ុក របស់យុវតីរូបនេះ។
បើតាម រូបវីដេអូ មិនបានបញ្ជាក់ពីវិទ្យាល័យណា នោះទេ ប៉ុន្ដែ បើតាមការពិនិត្យរូបថត និង ភិនភាគអគារសាលា បានបង្ហាញថា ស្ថិត នៅវិទ្យាល័យព្រះស៊ីសុវត្ថិ ដូច្នេះយុវតីរូប នេះ គឺជាសិស្សនៅវិទ្យាល័យព្រះស៊ីសុវត្ថិ តែម្ដង ប៉ុន្ដែ មិនដឹងថា រៀនថ្នាក់ទីប៉ុន្មានឡើយ៕