ម៉ូតូពីរគ្រឿងកៀរគ្នាដួលត្រូវរថយន្ដកៀរបន្ថែមរងរបួសធ្ងន់ម្នាក់
Cambodia News
ភ្នំពេញ ៖ កាលពីវេលាម៉ោង៧និង ២០នាទី ថ្ងៃទី១០ ខែមេសា បុរសម្នាក់បើកម៉ូតូកៀរ នឹងម៉ូតូមួយគ្រឿងទៀត ស្ថិតនៅតាមបណ្ដោយដងផ្លូវវេងស្រេងទល់មុខសាលាមត្ដេយ្យអាមេរិកាំ ងក្នុង ភូមិត្រញំងថ្លឹង សង្កាត់ចោមចៅ ខណ្ឌ ពោធិ៍សែនជ័យ បណ្ដាលឱ្យដួល ហើយត្រូវរថយន្ដកៀរបន្ថែមរងរបួសធ្ងន់។
បុរសរងគ្រោះឈ្មោះ ហាង ធីរិទ្ធ ភេទប្រុស អាយុ២៧ឆ្នាំ មុខ របរកម្មកររោងចក្រកាត់ដេរ ស្នាក់នៅ ភូមិ២ សង្កាត់ស្រះចក ខណ្ឌដូនពេញ ជិះម៉ូតូម៉ាញវីវ៉ា ស៊េរីឆ្នាំ២០០៦ ពណ៌ខ្មៅ ពាក់ស្លាកលេខភ្នំពេញ១០៩៦ ។ ដោយ ឡែករថយន្ដបង្កហេតុម៉ាកFuso ពណ៌ ត្រួយចេក ពាក់ស្លាកលេខភ្នំពេញ5A-0225 បើកបរដោយបុរសម្នាក់រត់គេច ខ្លួនបាត់មិនស្គាល់អត្ដសញ្ញាណ។
មុនពេលកើត ហេតុគេឃើញម៉ូតូជនរងគ្រោះបើកតាម បណ្ដោយផ្លូវវេងស្រេង ក្នុងទិសដៅពី លិចទៅកើត លុះមកដល់ចំណុចកើត ហេតុជនរងគ្រោះបើកម៉ូតូជែងម៉ូតូមួយគ្រឿងទៀតហើយកៀរដួលហើយត្រូវ រថយន្ដបង្កហេតុមកដល់កៀរបន្ថែមទៀត បណ្ដាលឱ្យរងរបួសធ្ងន់តែម្ដង ។
បច្ចុប្បន្នរថយន្ដបង្កហេតុនិង ម៉ូតូរបស់ ជនរងគ្រោះត្រូវបានសមត្ថកិច្ចអូសយក ទៅរក្សាទុកនៅអធិការដ្ឋានខណ្ឌ ដើម្បីឱ្យ ភាគីទាំងសងខាងចូលខ្លួនមកដោះស្រាយ គ្នាតាមច្បាប់ ៕ ហេង នាង
